حوار اسري

[حسين الجلاد]

شوفوا الاب لما بدو يربي ابنه كيف لازم يكون عن جد هذا هو الاب والام المثاليين يا هيك يا بلا

شوفوا هالحوار بين اب وابنه :

الأب: يا ولد
الابن و بكل براءة: نعم
الأب: نعامة ترفصك تعال
الابن: ليش شو سويت؟
الأب: سواك ضريب يخلع رقبتك
الابن: شو فيه؟
الام : شاوي يشوي عضمك رد على ابوك زي العالم المحترمه
الابن : هوه انا حكيت شي؟
الأب: حكحكوا جنابك بالعصايه اوقف عدل يا حيوان
الابن: حاضر
الأم: يحضروا على قبرك لما ابوك يحكي انت بتخرس
الابن: أخرس؟
الأب: ايوه ان شالله خرسه
الابن: ماشي
الأم: اجاك مشش بركبك ما تقوم منه
الابن: شو هاد مشش؟؟
الأب: اما انك قليل حيا و بترد بتم امك هات العصاي و تعال
الابن: انا رديت على امي؟ماما احكي كلمه
الأم: موا يمزعك ماما ...حكيتلك اخرس
الابن هون غلب على امره و سكت
الأب: أما جيل قليل حيا...لحكي ولك مالك انخرست انشالله خرسه بابا اه
الابن: شو احكي؟ اذا حكيت بتشوفوا كلامي غلط
الأب: ليش عمي شايفنا و لا حول؟
الابن: لا اله الا الله
الأم: الله ياخدك ماما يا ريتني خلفت ابن جيراننا و لا خلفتك
الأب: انا مش عارف هاد الولد متى بده يصير رجال في القعده دايما فاضحني وين ما أروح
الابن: طيب شو اعمل هلأ مشان تشوفني رجال؟
الأب: ان شالله ما تطيب اخرس
الابن: يا ربيييييييييي خلاص عاد ممكن اروح على غرفتي؟ ليش ناديتوني؟
الأم: اه صحيح انت ليش ناديت عالولد؟
الأب: بتصدقي يا مرة....نسيت مش عارف خلاص ارجع لما اتذكر بناديك رجعت المي بزورك

تحياتي

[jimmy]

شكراً لك اخي الكريم على هذا المقال

[هبة الفرح]

ههههههههههههههههههههههههههههه

يا هيك حوار اسري يا بلاش

[باسل]

حسين الجلاد,,,,

((الأم: الله ياخدك ماما يا ريتني خلفت ابن جيراننا و لا خلفتك )) :) :)

حوار اسري فايع ...

[الـ غضبـ]

وش مااالهم الحلوووين

شو الولد قاعد على قلوبهم