هل من حق الخطيبين معرفه ماضي بعضهما البعض

[alsayed]

:1a (37):

سؤال يطرح نفسه
هو هل أنت أو أنتي
معرفه ماضي بعضكما البعض في أثناء فترة الخطوبه
موضوع للنقاش

[ايـمن]

طبعاً

هما فى الاول لما ييجوا يحكوا
كل واحد يقول ( انا مش عايز اعرف الماضى )
قال يعنى الحب واخد بعضوا قوى
وييجوا بعض الخطوبه وحد فيهم يعرف ماضى التانى يزعل ويقطع العلاقه
طب ليه ماكان من الاول

[سـلـوى]

اهم حاجة الصراحة من البداية و استمرارها ايضا انا اعرف كتيييير سابوا بعض علشان اكتشفوا حاجات بعد الخطوبة على الاخر و الغريبة ساعات بتكون ماضى مش مخجل يعنى

:1 (124): بس برضو فى ناس عقليتها معقدة و بتدقق على اقل حاجة بطريقة تخنق مش عارفة لية

لان المفرضو زى ما فى صراحة يكون قصدها صدر رحب فلا وجود صراحة بين اتنين من دون وجود راحة و استقبال رحب
و الله اعلم

[ايمان رجب]

انا كمان شايفة ان كل الطرفين لازم يعرفو

ماضى بعض

دا احسن وبيخلى هناك شفافية فى العلاقة

مش يبقى هو مكسوف منها ولا هى ذلك!!!!!!!!!!

المخطوبين يعنى خلاص فى مرحلة تمهيد للزواج
والزواج يعنى علاقة يحكمها الشفافية والصدق

فمهما كان الماضى أليم

لو بيحبو بعض هيغفرو لبعض اللى فات

ويبتدو صفحة جديدة

سلامى لكم
ايمى

[سـمـر]

للرفع
و اعادة طرح السؤال


هل من حق الطرفين معرفة كل شئ عن ماضيهما و ليه وازاى ؟
يعنى كيف تكون هذه المصارحة ومتى ؟

[احمد المنسي]

طبعا

بيتهيألي لازم كل واحد يعرف التاني ماضيه من غير حتى ما يسأله

عشان يتفادى حاجات او مشاكل ممكن تحصل بعدين او مواقف محرجة للطرفين

وبكده تبقى بداية جديدة بينهم مبنية على الصراحة ومفيش احسن من الصراحة في المواضيع دي

أخوك
أحمد المنسي

[هبه ايمن]

للرفع
و اعادة طرح السؤال


هل من حق الطرفين معرفة كل شئ عن ماضيهما و ليه وازاى ؟
يعنى كيف تكون هذه المصارحة ومتى ؟



مشكورة على الرفع يا ست الكل


لان الموضوع فعلا بحاجة الى النقاش




انا من وجهة نظرى ان الصراحة والوضوح من بداية العلاقة بين الطرفين هامة جدا


اى لابد من مصارحة كل منهما الاخر عن ماضيه


حتى لا يكتشف اى منهما شىء عن الاخر فيما بعد فلا يتفهمه الطرف الاخر مما قد يؤثر على علاقتهما



ولذا فلابد ان يسال كل طرف الاخر عما يريد معرفته عنه



ويجيب الطرف الاخر بكل وضوح وصراحة


وذلك يكون فى بداية علاقتهما حتى يقوما ببناء علاقة صحيحة على اساس متين




وان كان هناك حب حقيقى يربط بينهما سيتفهم كل منهما ما مر على الاخر ويتقبله



جربوا ولن تندموا فالصراحة راحة بالتاكيد

[هريدي]

يعنى تجولوا صارحها اصارحها تنصب لى المشنقة و تقول كنت بتحبها اكتر منى كنت بتجول لها ايه
كنت بتوديها فين ؟
طب سبتها ليه و ازاى
طب بتفكر فيها تانى ؟
يعنى اعمل ايه انا عاد
لو ما جلتش تبجى مصيبة تانية و انت مخبى و انت خاين
اتصرف كيف يا عبرحيم ؟؟؟؟

[تامرعبدالغنى]

الجواز اساسه الحب
والحب اساسه حاجتين الصراحه والكرامه

انا مش بيتهيألى انا صاحب مبدأ فى الموضوع ده

لو خبت يبقى فى حاجه غلط

ولو قالت حتى لو فى حاجه غلط فا احنا كلنا بشر وبنغلط وممكن نسامح

انا ممكن اسامح حد غلط بس صعب اوى اسامح اللى حس انه ممكن يضحك على

بالتالى من راى الصراحة احسن

[سناء الفرح]

انا راءي طالما حبو بعض يبقى هما ملك يومهم وايامهم اللي جاية يسبو اليوم اللي فات وميفكروش فيه فالصراحة بهذه المواضيع تكون حساسة جدا ولن يغفر لها انها اتكون حبت غيره وهيا كمان يتفضل الحكاية ده حاجز صمت ينفجر عند كل مشكلة تصادفهم ومشاكل الحياة كتيرة مع اول خناقة حيقولها روحي لحبيب القلب يختي
هوا ارتاح وانا اتبليت وهيا حتقول كده برضه وحيفضل يفكر هوا شكله احلى اشيك وهيا حتفكر كده برضه فالافضل ماضي الانسان ملكه هوا وبس ان لم يكن به شوائب فقط حب عابر