هديتي لحبيبة قلبي هبة

[آيـــــة]

قررت أهدي أحلى انون في الدنيا الفيلا دي

ان عارفة انك مش بتحبي الحاجات الواسعة

بس علشان عجبتني و رايقة قلت ما فيش أغلى منك اهديها له

و يا سيتي ما يشغلش بالك التنظيف حبعتلك طقم نظافة من الفلبين : )

هو احنا دافعين حاجة من جيبنا

شوفي يا سيتي فيلتك الجميلة وشوفي بتطل على ايه

http://www.arteriors.com/gacext4x.jpg

يا عيوني على المنظر

http://www.arteriors.com/gacliv2x.jpg

ايه الروقان دا

http://www.arteriors.com/gaclivx.jpg

كمان عندك تلسكوب يا انون

http://www.arteriors.com/gacdinx.jpg

دا المطبخ اللي بيتعمل فيه الدونت و الكوكيز الحلوين بتوعك

http://www.arteriors.com/gackit2x.jpg

غرفة نوم مودرن آخر روقان

http://www.arteriors.com/stebedx.jpg

حمام فاخر بحوضين لزوم الحركات

http://www.arteriors.com/3bathx.jpg

و ألف مبرووووك عليكِ يا أنون

[هبة الله]

بسم الله الرحمن الرحيم
والله والله يا آيه ان صورة البيت الأولى دى انا لسه شايفه مشهد فى فيلم تقريبا نفس التصميم فقلت الله الواحد نفسه يعيش فى بيت بالشكل ده و اجلس كده و امامى بانوراما رائعه
انتى جميله يا آيه و كل هداياكى جميله سيبينى بقى اعيش فى بيتى و استمتع بالنجوم من التلسكوب و أجرى براحتى اصل انا لما بامشى باجرى معرفش امشى بشويش فلازم يكون عندى مساحات واسعه و انتى حققتى لى ده ربنا يخليكى0
الف شكر لك يا آيتنا على ذوقك الرفيع
تحياتى

[ana3sola]

حمام فاخر بحوضين لزوم الحركات


حركات ايه ؟؟؟
هو بعد اللى انا شايفاه دى هايبقى فيه حركات تانى ؟؟؟

[هبة الله]

بسم الله الرحمن الرحيم

ههههههههههه اصل آيه يمكن عرفت انى متخصصة وقوع فى الحمام و حركات بهلوانيه يا عسوله باخد كل هدر و التانى لأنى بادخل زى الأكسبريس ولو فى نقطة ماء اروح واخده الهدر و اقوم اجرى برضه ههههههههههه 0

[آيـــــة]

واللهِ اني مبسوطة أوي يا انون ان كان نفسك في بيت ومنظر زي دا

وقدرت أعيشك ولو للحظات تتأملي الحياة فيه

و ياريتني فعلا أقدر أهديهولك بصحيح مش ممكن يغلى عليكِ أبداْ

آه لو كنت اوناسيس كنت أهديت كل واحد البيت اللي نفسه فيه

وايه حكاية الحمامات اللي بتقعي فيها دي ؟

مش تاخدي بالك يا هبة هو احنا عندنا كام انون ؟

لا بجد يا هبة لازم تاخدي بالك كويس مادام الحادثة دي

اتكررت معاكي اكتر من مرة لانه خطر جداْ ربنا يسلم

و يحفظك من زحلقة الحمامات دي خطيرة ما تستهونيش بيها .

عسولتي

أصبري عليا بدورلك على بيت يكون برضو كله حركات

علشان تجري فيه بالموتوسكيل بتاعك وتمشى بيه عالحيط

[هبة الله]

بسم الله الرحمن الرحيم
ربنا يخليكى يا آيتنا انتى احسن و اجمل و اغلى من اوناسيس بأحساسك الجميل نحو الناس كلها الف شكر يا آيه
و بعدين بقى حكاية الوقوع دى مش لاقيه لها حل بنتى مسميانى مامى كدمات ههههههههه 0
تحياتى

[آيـــــة]

يا انون دا انتي بقى لكِ أسامي كتير أوي

كمان ( مامي كدمات )

طيب يا مسز كدمات خللي بالك شوية وبلاش تمشي عالخط السريع

بالراحة هو فيه حد بيجري وراكي ؟

ما تنسيش تعزميني على فنجان نسكافيه علشان استمتع بالمنظر

اللي يهوس دا بس بالراحة وانتي قايمة تعملي النسكافيه أحسن

الارض بتزحلق .

ميرسي أوي يا اون على كلامك الجميل و لسانك اللي بينقط سكر

[مــحــمــود]

الله
بصراحه مش معقول يا آيــــــة زوقك هايل
مبروك يا هبه وماتنسيش بئه تعزمينا على الغدا
مش معقول ربنا يكرمكم وتنسوا الغلابه برضك
بصراحه مكان مريح صحيح أنا بحب المزج بين المودرن والكلاسيك
هههههههههه فزلكه كدابه ههه
بس هايل يا هبه , الف مبروك

[آيـــــة]

الله
بصراحه مش معقول يا آيــــــة زوقك هايل
مبروك يا هبه وماتنسيش بئه تعزمينا على الغدا
مش معقول ربنا يكرمكم وتنسوا الغلابه برضك
بصراحه مكان مريح صحيح أنا بحب المزج بين المودرن والكلاسيك
هههههههههه فزلكه كدابه ههه
بس هايل يا هبه , الف مبروك

ايه دا بس كدا ؟ فين النقد بتاعك ؟

انا كمان بحب المزج بين المودرن والكلاسيك

بس هو فين الكلاسيك اللي في البيت دا ؟

مش شايفة اى حاجة كلاسيك غير الارضية الخشب

هبة يا عمدتنا عزمانا على بط بتصطاده من البحيرة اللي بتطل عليها

استعد لاكلة دسمة .

[سماح]

وااااااااااااااو الحمد لله دخلت على سيرة البط (( مع اني عمري ما دقته ))
بس يالله المهم اكل دسم الواحد يرم عظمه بيه
هبه البيت حلو قوي تتهني يا رب
وبعدين بالنسبة للزحلقه بالحمام ليها حل يا عنيا
في قطع مخصوص للبانيو بتمنع الزحلقه اشتريلك وحده وانتي تخلصي من ماما كدمات
والف سلامه خدي بالك من نفسك
العمر مش بعزقه
وانتي يا ست آيه يام الزوق والروقان كله ايه الحلاوه دي
انا اخاف عليكي من الحسد كده
تسلم الايادي
زوق رفيع وهديه رائعه لاحلى هبه بالدنيا تستاهليها والف مبروك مره تانيه
ولك مني دوما اطيب المنى
سماح

[آيـــــة]

سموحة ازاي ما اكلتيش بط قبل كدا ؟

فاتك نص عمرك

الحقي نص عمرك التاني في عزومة هبة : )

وبعدها ناخد كلنا فنجان نسكافيه يهضم البط

قدام المنظر البانوراما الروعة دي

وميرسي اوي يا أم الذوق على تشريفك لنا

دايماْ منورانا يا قمر

[سـلـوى]

ما شاء الله رائع و تسلم ايدك يا اية

يلا يا هبة انا هاجى علشان ااكل الكبدة الاسكندرانى فى الفيلا الجديدة الرائعة دى استعدىىىىىىىىى

[هبة الله]

بسم الله الرحمن الرحيم
آيتنا الجميله
هو مامى كدمات وبس؟ لآ تعالى بقى ابو العيال مسمينى طائر البطريق علشان لما باقع و اعرج وبامشى بسرعه يضحك ويقولى ماشيه زى البطريق عاجبك كده هههههههههههه0
يالا النسكافيه جاهز تشرفى يا آيتنا

[هبة الله]

بسم الله الرحمن الرحيم
عمدتنا الغالى
باركت البيت بوجودك
شوفت جمال آيه وذوقها؟ عرفت على طول طلبى ربنا يخليها وحققت لى امنيه والله يا عمدتنا
العزومه قائمه يا عمده تنور
تحياتى

[هبة الله]

بسم الله الرحمن الرحيم
أم وسام يا حبيبتى حمد الله على السلامه
كل سنه و انتم بخير وعقبال مليون سنه يارب فى سعاده و هنا
ازاى يا سمحه ما أكلتيش البط تعالى بس انتى وانا اعملك بط بالبرتقال تاكلى صوابعك وراه بس تعالى قبل ما آخد لى هدر جديد و بعدين تفتكرى الحل اللى انتى بتقولى عليه ده ينفعنى ابدااااااااا اول ما اشيلهم للغسيل مثلا حاقع حاقع هههههههههههه
الف شكر يا سموحه
تحياتى

[هبة الله]

بسم الله الرحمن الرحيم
يالا يا باشمهندستنا و الله انتم ضيوف رائعين كل واحد يقولى اللى عايزه
لغاية دلوقت بط و كبده اسكندرانى فى انتظار باقى القائمه و تشريفك يا باشمهندستنا المتميزه
تحياتى