ديوان الرائعة / سمر [الأرشيف]

مــحــمــود

28-12-2009, 03:43 PM

شهيد و رصاصة

التاجر العربيد

فى سوق النخاسة ...

عبيد .. و ساسة

دم العربى يساوى ...

لا

لا يساوى رصاصة

اصلبوهم هناك ..

فقد فقد الصليب احساسه

***

ايها المقتول على قارعة الطريق

ليتك تنهض

فموكب الشيطان يمر

و قطرات دمك لم تملأ الكاسَ

فضيحتك الصفراء الفاقع لونها

لم تدل عليك

و لم تصرخ

قتلوك هاهنا بغير سبب

فى سبتهم محرم اشعال اللهب

فلن تتحول رمادا و لن تستحيل ماسا ..

يا شعر المجدلية لا تقبل ارضنا ..

فانا هاهنا ...

(وحدنا ...)

ولا غفران ولا ... ولا عتب ...

مابقى شئ

كل مافيك ذهب ...

حينما فاض التنور و اشتعل

زيتك ... ذهب ...

و امست جنتك خاوية

و اصبحت تقلب كف التعب

يا وجعى النبيل

تمدد بخافقى

و تبتل ..

فالجدار يئن من مفارقة الحجارة ..

و الشهيد على ممر الورد طال انتظاره ..

و الارض تميل

ولا احد بيديه صنع اقداره ...

ســـــــــــمــــــر

22/10/2007

مــحــمــود

28-12-2009, 03:43 PM

لو تسمح
مش كل شوية ألاقيك قدامى
بتلاعب شوقى الحيران
بطفولة ..
وتخايل قلبى الغلبان بالصمت
لو تسمح سيبنى انام ..
من غير ما اسألنى
فينك؟؟ او عامل ايه دلوقت؟؟
وياريت لو ممكن ..يعنى ..بجد
تلملم اغانيك و كلامك ..
وكمان ضحكتك الغيظانى
من فوق حبل ذاكرتى الممدود اوجاع
و بلاش يعنى تصمم
وبعفوية تجن
انك تحدفها ف وشى
مع إنك متاكد جدأ
إن ...................
.........................
...................
بحبك
اوى
كده ليه؟؟؟!!!!

مــحــمــود

28-12-2009, 03:48 PM

يا ايها القلب البرئ
ما انتاش صديق
خلاص
انكسر جوايا حلم
وجوه محكمة الاحبه
انت النهارده متهم
وانت خصم
و ف شرعهم انت المدان
بفعل الاخلاص و الوفا
و الدفا ..
يكون ازاى
و العناد هو الاساس
بيحمى بنيان صدهم

ظلموك صحيح ؟
ولا انت متلخبط
و نص انسان .. ما انتاش صحيح
و العلة فيك ؟ و لا الزمن ؟
و لا اعتبارات الفصول ؟
وشمس باردة فى الافول
صادق بجد؟
و تراعى ود؟
و لا صابك الخرس .. انطق و قول ؟؟
بتنادى حد ؟
و لا انت ضد
كل اشكال الانكسار
ليه الانتظار
لما انت قادر تغير نظرتك
ايه حجتك
نادى ياللا ع اللى فات
ياللا شب ...
يمكن النجوم تقدر تطول ..

هو كان الرفيق و الخل

وكنت راسمه الضل ..

فى حرشمس اساك

متهوم بحبك لغيره

و تحلف انك بس طيره

و يروح هناك

بزرع اساك

و يكون دليله

ليل السهاد

وايه يبادله بالهنا

اه يا انا

يا للى زرعاك فى الوريد

ياللى حبك ليا عيد

بس لو كان الكلام

ليك يطمن

كنت انا افضل يا غالى

اقول و اعيد ...

ويفضل سؤالى انما

هى الاجابة همهمة

و يروح يغيب

تلقى فين بس الطبيب

ياللى قلبك علتك

و شكوتك ملهاش مجيب

راحل ما بين شط الدموع

وغنوة طوع

متضفرة ف اعلان خضوع

فجر ايامك لحلمك

محنى جسمك

و العكاز ضعيف ... مخيف

تسال ليه سؤال سخيف

يا هلترى الايام هتصفى

ولا يدفى

تلج اعراض الحبيب

جواك نحيب؟

ولا ذكرى

و لاورقة جوة جيب

متطبقة

على حر انفاسك

و احساسك ...

مكتوب سطور

وييجى دور

تنطق بحرفك

ومين يصادفك

و مين يلاغى

كلمة تايهة جوه سطرك ؟

ومين يعرف المعنى المخبى

جوه عمرك

و مين فى عمرك

حل لغز الانسحاب

طول الغياب

و مين يواجهك

بانك محتاج للدفا

حبه وفا

حبه سلام

وسط صراعات الحياة

و انك مش نبات لوحدك

محتاج يعافر للنجاة ؟..

مــحــمــود

28-12-2009, 03:50 PM

ااااااااااااه ..
ع الضلمة اللى سارحة
و العيون تمللى جارحة
اخبى فين الالم و الاه
دبحوا اليمامة
و العطف فين تلقاه
ما يحس قلبى العليل
الا اللى سمع شكواه
اصل الخرس سجنى
و الجرح كيف انساه
يارب و ف وحدتى
ما بقوش الا الاه
سكين و راشق فى الحشا
و الرحمة هى دواه
ما بلاقى غير غدرهم ظلمهم
وتاريخ طويل فاكراه
يا صبر صبرتك بصبرى
و غزلت الدموع بالاه
كل بيا الصبر قال
عليل يا طول شكواه
وفين الاقى طبيبه
و ايه سبب بلواه
قالو قلب اخضر
وزهر هجره نداه
و قمرايه مسافرة
تسمع انين نجواه
على البيبان دمعه يخبط
و مين سمع لنداه

مــحــمــود

28-12-2009, 03:51 PM

الكلمة ..

مانيش كداب ولا بايع
ولا ملاوع
و لا فى القلب راح اخبى
امل و سراب
مانيش يا كلمة
بتردد
ولا اتنهد
واقول لو غاب
عنى الحق
و شموسه
انا هدوسه الم
و عذاب
مانيش صاحب يبيع صاحبه
ولا قلبه عن حبه
مل و تاب
مانيش كداب يا كلمة
يا صدمة
يا غياب الاحباب

مــحــمــود

28-12-2009, 03:52 PM

يمكن ..
يمكن صحيح الحزن .. عادة
او شعور بالخوف زيادة ..
يمكن يكون مداد لقلمى
اللى عطشان للسعادة

مــحــمــود

28-12-2009, 03:53 PM

همسة
اردد اسمك هامسة
اكتبك سطور و عطور
احاسيس رهاف
واخاف
ان يعرف سكنك فى قلبى
ظلم السياف
ويطاردنى
و عيون العالم تحرقنى
واخاف يبوح بمكنونه
قلب شفاف ...

فالعالم لا يعرف انى
اودعت خزانة اسرارى
قلبك والحب وقرارى
واطياف من فنى ...

و العلم لا يعلم عنى
سوى احزان و تمنى
وخوف يتبعه فرار ...

مــحــمــود

28-12-2009, 03:55 PM

اكتب
على جبين الورق اكتب
بحرف جسور
لا يتلخبط
و لا بيكدب
واتوضى... بدموع عينى
انا فينى
انا التايه
و انا المندور
لحلم يادوب
عليه الدور
دا انا شوقى لعينيك
لازم ..!!!
وشئ مقدور ..

مــحــمــود

28-12-2009, 03:56 PM

اه بحبك
حتى لو يجرحنى غدرك
اه بحبك
و نبض قلبى
يروح لعندك
حتى عِندك
حتى هجرك
حتى ُبعد عيونى عنك
ما يخلونى انسى ودك
و اعيش لحبك

ورده نابتة جوه نبضك
شمس طالعة فوق ملامحك
وحتى لو تكون لى جارح
كفوف دموعى
...... تداوى جرحك
اه بحبك

حاجة حلوة جوا روحى
ضى وسط ضلام جروحى
حتى الحنين كمان مصاحبك ...
اه بحبك

كلمة زى نجوم فى ليلى
ما يداريها الا ضيك
كلمة بس تكون دليلى
لما اتوه
وانا جوة قلبك

وتقول تغيرى .؟؟؟
اقول بحبك ..
تقول فراشة ...
ف يوم تطيرى ؟؟
اقول بحبك ؟؟؟
وتقول عشقتى مرة غيرى ؟؟
اقول بحبك

اه بحبك

اه بحبك

مــحــمــود

28-12-2009, 03:56 PM

كما النداهة
جنيه... بتنادى على المجروح
وميض الروح
يخبا لما بنخبى ..
اهات و جروح
و نشابى على ضيه الضعيف يمكن

!! !
نلاقى الصمت متمكن
و يفضل حسنا مدبوح ...

مش تايهة
و لا رجلى ما شالتشى
لكين الغنوة بتصمم
و لا تهتم
و ايه يفرق و ايه بيهم

مش ليا
صحيح بكرة
لكين النغمة معروفة
و معزوفة
ورغم العود مهوش ( عايد)
ومش قايد ف قلبى الشمع
لكن نور الغنا بيطوف
جهات الروح
و يرفرف
جناح الدمع

ف محراب الكلام ناسكة
و مش (راهبة) اقوله
ف يوم
ولا رغبة
تمر اوام
دى ايام الحنان لسه
و لسه يا قلب
باقى كلام

مــحــمــود

28-12-2009, 03:57 PM

القصيدة كانت تفاعل مع قصيدة استاذى احمد ابراهيم (شتا )
فله كل التحية

رعشة كفوف
تسبق تشوف
ف الانتظار
لسه القرار
و الاجوبة
سابقة السؤال
و الحقيقة الممكنة
متلونة
بلون النهار
يمكن صحيح
القلب بردان انما
لسه الغيوم فوق فى السما
بتغنى غنوة مبهمة
و تلاقى عصفور الوما
رفرف و طار
شتا
و فرار ...
من كل حاجة محزنة
من الانكسار .

مــحــمــود

28-12-2009, 03:58 PM

توب العناد
لما تبنى عش
يهده غش
و ابتسامة ماليه وش
لما البراح يضيق
و القلب الاخضر
ينكسر...
و من الجراح دمك يسيل
و بعد ليل و ليل وليل
ييجى القاتل يعتذر
يبقى لازم تبدل مطرحك
وما تنتظرش
انه يمكن يرحمك
و تسافر تاخدك بلاد ...
ويليق عليك توب العناد
وتقول انا قادر انتصر
فيه رب اسمه الكريم
قادر على رد اللئيم
واللى بقسوة بيك غدر ...

مــحــمــود

28-12-2009, 03:59 PM

الواد الجميل
صحيح طوله ييجى شبر و نص
وعيونه الجمال بتبص
و سماره نقط م الضى
و اليوم اللى رايح جى
باوجاعه
ومين باعه
للشقا يا خلق
و ازاى يعرف ابن الخمس سنوات
ايه الفرق
بين وبين عيال تانية
و ليه يسمع حجج واهية
ده فرخ حمام
ما يعرفشى
يتهجى كلام
لكن واقف
و بيعافر ف ايامه
وصحيح وانا واقفة قدامه
دموعى الخاينة طاوعتنى
ما نزلتشى ..
لكن قلبى اكيد عارف
قسوة دنيا غدارة
ما ترحمشى
عصفور لسه بيشقشق
وكفوفه اللى بتدقدق
على باب الكريم
وتقول
سهل ع الجميل يومه ...
و صحيح الوقت
كان من ضمن ساعات نومه
لكن هو

كان فى الشارع امبارح
و كان شقيان و بيحاول
واكل العيش
امتى كان بالساهل ؟؟؟؟

اهداء الى هذا الرجل الصغير(5 سنوات ) فى موقف السيارات مع كل احترامى ...

مــحــمــود

28-12-2009, 04:01 PM

صاحب الجلالة حبيبى !!!
صاحب الجلالة و السمو
المتحكم فى حلاوة الجو
باشارة
ومافيش ع الحب امارة
تسمح لى اعبر عن حبى
و اقولك كل اللى ف قلبى
ولا تفضل انى اخبى؟
او اعمل نفسى محتارة ؟

صاحب الجلالة حبيبى
بيقوللى اوعاك تغيبى
و انا اقوله جنبك يا نصيبى
ولابتهمنى اى عبارة ...

صاحب الجلالة بيؤمر
و انا بعرف عن حبى اعبر
ولا يمكن اابدا اتصور
ارخى ما بينى وبينه ستارة ..

صاحب الجلالة حياتى
افضل انادى و افضل اهاتى
ولا عمره ابدا بيعبر
ولا عمرها غمزت سنارة !!!

صاحب الجلالة و الاحترام
عيونى مش عارفه تنام
بطل تتقل يا غرام
ولا فاكرها يا عم شطارة ؟؟

صاحب الجلالة يا عمرى
مش عارفه ايه اخرة صبرى
بيقولوا مش دارى بامرى
و امواجه جدا غدارة !!!

مــحــمــود

28-12-2009, 04:02 PM

القطر ..خلاص عدا

لم عزالك و الكركوبتين

هاتروح على فين ؟

و القطر خلاص ... صفر

عدااا

و لا عمره ف يوم عندك ... هدا

مرمية احلامك ع الصفين

و النور بالضلمة بيتوضا ...

طراطيف الدمعة بتتنيها

و تخبيها

و ف كم الوقت بتمسحها

ليه تسامحها ؟

الدنيا القاسية و تديها ؟

و ف شواشيها

متعلق ظالم يتمرجح

و انت بتدبح

الاهه ف قلبك من جوة

لو يوم مد الشوف لبعيييييييييييييد

واستسمح بكرة المتعنطز

انه يشاور ليك بحنان

او حتى تلاقى فى زحمة مكان

او نسمة تعدى و تندهلك

طب فين اهلك

اوعاك تهلك

وانت بتدور ع الاسباب

لم عزالك و خيالك ...

و الغنوة الملهوفة ف صوتك

و الحبر المتبعتر على سطر القلب

و الدفا و الغلب

و النجمة السرحانة فى كفك

انت ف صفك ؟

ولا بتنادى على المجهول

وانت المسئول

لو يوم صادفك

بتقول حقك ؟!!!

طب مين شافك

او مين حسك ؟

عينك .. حسك

تشابى على فجر مشقشق

وتقول ليا ..

او تلقى عصفورة تغنى

و تقول هيا !!!

او تحلم وبسوق العيش

تملا عيونك

كله يخونك

لو يوم يلاقوك واقف وحدك

الزم حدك !!!

و اياك تتسند ع الجدران

و تحاول ليه تترك ركنك

هدك حزنك؟

مهو هد كتير وكتير قبلك

ياللا استغفر

و اغسل وشك بشوية صبر

و استنى القطر

بس القطر خلاص ... عداا ...

مــحــمــود

28-12-2009, 04:03 PM

ساعات ازهق

ويملا المرار جوفى

واكتم انين احزانى

وحنينى بكفوفى

وارسم بسمة من خوفى

ليبان للناس المى

واسكت

وابعد

واكسر م الغضب قلمى

واقول ايه ذنبهم الاحباب

وليه يحملوا همى

وانا من زهقى بتمرد

على الكلمة

على الاحساس

على جناحى

لو يفرد

على فجر لامل

كداب

على عصفور وبيغرد

وابعد

عن كل احلامى

وايامى

تتعقد

ويتبدد

صفا روحى

وجروحى

تبقى ونيسى

لما اعند

ولما اوعد

بان الفرح يتجدد

اقول كدابة

واتردد

ابوح باللى شاغلنى

واكلمنى

واحايلنى

وساعات ارضى

وساعات ازهق

وهمومى تحاوطنى

مــحــمــود

28-12-2009, 04:05 PM

ليلة سهر ... مع سهر عيد ميلاد سعيد
اللحن لحن حزين و الغنوه محبوسه
جوه القلوب لتبوح.. بالجرح مدروسه
سكن الدموع ننى و الفرح تاه منى
يمكن عشان ذكراه ف القلب مغروسه
سهر

اللحن حزين يمكن ... جايز
لكين القلب براح اخضر ...
و معاها سفينة الشعر بشراع مفرووود
و قلم مهما الجرح عنيد راح يقدر ...

ومعاها ... فى عيدها .. هانقضى
سهر مع سهر

ولانها بسمة و تعشق الفرح رغم ان القلب

احيانا يشتكى انه اتجرح نلاقيها تقول

يا ليلة العيد وحشتينا
و واحشانا
كده تجينا
تعالى بفرح ضمينا
و خلى الحزن ينسانا
و يبقى الفرح ده سحابه
يطير بينا
و اقولك ايه ؟ وحشتينا

و ييجى العيد عيدها .. و الليلة تكون ليا

اعملها على هوايا و افتكر لما قالت

ليلة سهر
يا ليل يا عين
ليلة سهر
و يا القمر
تسهر قلوب
تعشق
تدوب
تحكى حكاوى
و تقول غناوى
عن اللى حب
و اللى غاوى
السهر

يا ليل يا عين
قلبى امر
يسهر
يدوب
و الشوق سفر
و اخده معاه
يحلا السمر
و يا سناه

يا ليل يا عين
و ازاى سهر
من غير قمر
لو ليله غاب
تبقى القلوب
فيها العذاب

يا ليل يا عين
على السهر
و يا القمر

مــحــمــود

28-12-2009, 04:06 PM

مسافة ...

ما بين تنهيدة و التانية
و بين دمعة و متشافة

مسافة
و تكون فى الهوا شيخى
و اكون الاتباع
و تكون الرسالة سراب
خداع ف خداع ...

مسافة !!!

و اول سطرك

الاوجاع

و اخر سطرى فيه عمرى
و قلبك باع

مسافة !!
و عيد من الاول
صورتك ليه بتتحول
سلامك ليه بيبقى وداع

مسافة !!
و فاصلة للدمعة
تنادى ؟
اصلى مش سامعة

مسافة!!

مــحــمــود

28-12-2009, 04:08 PM

واحشنى

ياصوت سارح فى تكوينى ..

ينادينى

يقوللى خلاص هاتنسينى ؟

اقول لأه

يدق القلب ميت دقة

و يفتكرك

ويزرع فى الحنين وردك

ويسالنى ..

اكون ردك

و اكون نسمة

تبوس خدك ..

و من شوقى

ادوووووب احزان

و تحيينى !!!

مــحــمــود

28-12-2009, 04:13 PM

اوعدك
وسط براح الكون اكون
قلب دافى نداه حنون
وردة حلوة تسعدك
صدق بادى فى الحروف
بسمة دافية فارقها خوف
صوت يلاغى وحدتك
اوعدك
وسط نجوم الليل اميل
زى شجرة فى حضن نيل
ابقى الدليل ف غربتك
اوعدك

مــحــمــود

28-12-2009, 04:15 PM

نامت عيون الخلق
يا صاحب الملكوت
كل الليالى تعدى
كل الجراح بتفوت
وتفضل انت وقلبى
بينكم حوار ف سكوت
يا رب عبدك وطايع
اهدينى لو كانت ضايع
و احيى الفرح م الموت ...

نامت عيون الخلق
يا رب صبرنى
يا مين يقول الفرق
بين رحمة تجرحنى
بين قلبى انا العشمان
فى حنان

يارب قدرنى
اكون مسامح واسامح
فى جفافى خضرنى

نامت عيون الخلق
و انا اللى بات سهران
يشكى همه لهمه
يصبح كمان حيران
يا مين يواسى الكسير
ده العمر مررنى

مــحــمــود

28-12-2009, 04:16 PM

وليه اعود ردا على للحب عود لسهر
للحب عود؟؟
طب والسدود
مكتوب على قلبى الحذر
اهوى السهر
يطرح صدود

للحب عود
ليل الغناوى و القمر
حبه شرود
حبه خطر
لو السؤال
يصبح ردود ...

وليه اعود ؟؟
وانا اللى علمت السفر
ما يوم يعود
وانا اللى علمت الطيور
رفض القيود
وليه اعود
وليه اعود ....

مــحــمــود

28-12-2009, 04:18 PM

مجنونة ! دعوة للتواصل والشغب

حبيبى بيقول عليا
مجنونة جدا كمان شقية
و انى ديما بدهشه
لما همه بدشدشه
وانى ديما بهديه ببسمة
لما وشه يكرمشه
اصل هو عاقل اوى
بيخبى وشه فى الكتاب
حتى لما بوحشه
و غلبت انى اكلمه وافهمه
واقول له ما بلاش الغياب
واعى قلبى تخدشه
بعيون حنان يبص لى
و يقولى اوعى تزعلى
صحيح بحبك بس قلبك
مجنون اوى ..
اسكت شوية تبكى عينيا
ومن تانى ارجع اوشوشه
يقول حبيبتى نفسى رمشى
علشان عيونك افرشه
بس لو يوم تعقلى ‍‍‍‍‍
اعقل؟؟؟
محال و لا فى الخيال
اصل انا بصراحة جدا
مجنونة فعلا ...بس بيك
مش هعيش لحاجة تانية
الا ليك
مش هاتمنى الا نظرة
من عينيك

طب اجرب
انى من مكانه اقرب
وعلى صفحات كتابه
اكتب بحبك
ومن تانى ادق بابه
واقول بحبك
تضحك عيونه و يقول مجنونة
اخد سيجارته و معاها حيرته
واقول تانى كلام كتير
احلم معايا ومن غير تفكير
صدقنى جرب مش شئ خطير
انك تكون مجنونى مرة
انك تكون عصفور ..بيطير...

مــحــمــود

28-12-2009, 04:19 PM

سطور الحلم

على هامش الفرحة ...
نكتب سطور الحلم
ونخبى جروح الظلم
وندارى
حنين القلب
للماضى
و مش فاضى
اقول و اعيد
الم بيزيد لو اعافر
واخبى شوقى جوايا
و اقول انك
مش روحى ولا هوايا

ومنايا
اكون وياك للاخر
واكون جنبك ولا اتاخر

واكون تنهيدة ترجع لك
و اكون قمرة بتندهلك
واكون اهلك

واكون الصورة فى ملامحك
و تستفسر
افسر حلمى قدامك
و ايامك
هى كل ماليا
واقول انك بعيد عنى
ومافيش ف ضياك
شبه منى
واكون ننى
تغمضنى
و تنسانى
و اقول تانى
وانت تقول بتهوانى
احس الخطوة عرفانى
و طريقى ليك بياخدنى
انا واخدة عليك تكلمنى
خايفة بجد
طمنى ..
تقول لى حكاية و التانية
و الفرحة معاك لو ثانية
تدوبنى

مــحــمــود

28-12-2009, 04:21 PM

قمر ليلى الحزين

لما ايدى على كتفك تطبطب
و الكلام فى لسانى يهرب
جوه لحظة من حنين
عنى ليه بتدارى وشك
قلبى عمره ف يوم ما غشك
بس غرقان فى الانين
مجروح؟
طب وماله
يا قمر ليلى الحزين
ياللى عشقاك السنين
لو نزف جرحك قصادى
دمعتين
ولا كان الكون رمادى
فى ثانيتين
لما يكون الفرق كلمة ...
كلمتين
تقولهم ليك عيونى
او ايدين
تتمد تمسح دمعتك
وصوت يونس
وحشتك
ولا حضن حنان ولين ...

مــحــمــود

28-12-2009, 04:22 PM

عشان بعشق

بكون عصفورة بتزقزق

ولو اغرق

فى موجه حب حضنانى

ويحلالى

لما الفجربيشقشق

ادعيله

و اقول يارب يصفالى

ولو خالى

ف قلبه شجرى هيورق

اغنيله

الاقى عيونه بصالى

وندهانى

خطاوى خايفة تتفرق

مــحــمــود

28-12-2009, 04:23 PM

ندى صبحك

بلا صارى
بلا ملاح
وبغير ضياء يرشدنى
ابحر فى متاهاتى
لا يصاحبنى
سوى صمتك ...

طفلة قطفت
ندى صبحك
تغفو بين اهدابك
يغطيها سنا دمعك

تلهو بين اوراقك
يهدهدها حنان الحرف
يحيرها
تغض الطرف
يسامرها
فيصير العرف
جنونا انت مذكيه
تناديه
قلب انت مولاه
وتسلاه
فيضنيه
عشق انت تنساه
يسامر بالحنين هواك
تراوده
وغير الحلم لايملك
تراوغه
بالف سؤال
وهناء العاشق لايعدو
محض خيال
وحرف فى الدفء يأسره
اذا هو قال
و الصمت سلام لا يذبح
سوى الامال
والامَ البعد يا حامل
عصا الترحال
ما بين الحاء
و بين الباء
الف سؤال ..

مــحــمــود

28-12-2009, 04:24 PM

و تانى رجعت
افكر نفسى بالمكتوب

و اقول قدرى
ومافيش م القدر مهروب

اكتم تانى اوجاعى

و انا اللى كبر فى الحمول باعى

و ليه القلب بيساعى
انين مكبوت
ولا يقدر يبوح و يئن ..

و يتصرف معايا كأن
انا الجانى

و انا اللى بطيبتى
باطمع
انانى لصوتى
ما بيسمع

انا الجانى
و سجانى
عيون بالدما بتدمع ..

و ايه يوجع
الا ضربة الخنجر

من ناسك

ووسواسك

كل ما بينكو يتقطع

فى لحظة الخوف ماليها

و الدنيا تدور فيها

و تتكسر

شجرة ضى فى قلبك

كان الفرح ماليها

و كان فيها

ورق اخضر مغطيها ..

و كان الحرف بيفسر

و كان طيرك ومتحرر

وكان يا ما كان

و كان حلمك ..

و فى الايام

اتعتر !!!

مــحــمــود

28-12-2009, 04:25 PM

نامت عيون و عيون
عين القمر لسه
و الضلمة ويا شجون
ويا الانين كابسة
و الحزن عشش ع الشجر
ساعة خطر
و انا للدموع حابسة
ابكيك ازاى يا جدع
قاتلاه ايدين خسة
وكان حلم الصبايا
الجدع
وكان شمس الفرح
من قبل الليل ما يتمسا
يا صبر صبرت الصبايا بحلم
و ليه يا بلدى تقبلى بالظلم
و ليه ناسية الجدع
وليه بالغريب حاسه
يا عمر راح و انتهى
ليه العدو ما انتهى
وليه اقبل بذلى
واعدى الجروح وانسى ....

شكرا لاخى الغالى ابو سويلم فقد جاء هذا العمل تواصلا
مع عمله الرائع " اكفان من ضى القمر"

مــحــمــود

28-12-2009, 04:26 PM

معنى فى سطورك...

اكتبنى معنى ف سطورك
ساعات عاقل ...
ساعات مجنون ...
وارسمنى نجمة بتزورك
ساعات حلمك... وليك بتكون
وانطقنى شعر ف بحورك
يكون طوعك وبيك مفتون
و ارسمنى لوحة بفنونك
ساعات ساكتة
ساعات بتقول
كلام يمكن مالوش لازمة
ساعات ازمة
تمحى م الفجر افراحه
يدوب قلبى
و تفضل انت سكانه
وسجانه
وليه ديما بيندهلك
تكون مشغول ...
يصب الليل ف تنهيدة
ويتحول الم رفضى
و يبقى قبول
و تسالنى .. و يجرحنى
انك ساعتها ما فهمتش
كلام روحى
و انة حزنى و جروحى
ندا قلبى ...
و بتخبى
عنه ليه معاناتك
وعنادك ليه يغلبنى ؟
و يتعبنى
صمت الحب فى اهاتك
وليه زادك
فى غربتك غيرتى ..
ونار حيرتى
و دمعة ع الخد بتخوننى
وتثبتلك ..وفا قلبى
وايه ذنبى
لو انك طفل وبيحبى
فدروب حبى ...
يونسنى قمر حزنى
وجع عمره مافارقنى ...
وليه تبقى سند للاه
و تالمنى ...
وليه فى القلب انت غناه
تلحننى ...و يعزفنى ...
و تبقى انت... انت هواه ...
يقربنى .. وتبعدنى
و تكتبنى
نغم ضايع ..
وليه بايع ...
وليه ديما ..
سايبنى ...

مــحــمــود

28-12-2009, 04:28 PM

جمع و طرح ...

طول عمرى ماافهمش كتير
فى الجمع ما بين حزنى و ضحكة
ترسم لك السكة حرير
تقسم بيها الدنيا ما بيننا
يفضل لى انا كسر خطير
و تعيشها انت و تتهنى

****

طول عمرى بطرح ايامى
م الباقى من حبى و ظلمك ..
و اغزل بيك بسمة احلامى
و استكفى بالفاضل منك ..

****

مش شاطرة فى الاحتمالات
و الدنيا بين خد او هات
و نرحل كل الاوقات
للهامش الحاير بيننا ...

مــحــمــود

28-12-2009, 04:29 PM

شعلة جنون - اهداء الى شاعر القمر مازن دويكات

شعلة جنون
شايلها طفل برئ شقى
مع الزهور بيلتقى
يرمى السلام
و نقول فنون
انه يحافظ على الغيام
مليان هيام
و يوشوش النجم البعيد
ويقول كلام

يكتب بموجة من بحور
حبه سطور
جواها نور
و جرح خاصم الالتئام
يقعد هناك تحت المطر
يغنى غنوة للخطر
ويكتب اسمه ع الشجر
عاشق صبابة
و الربابة
صاحبته
ساعة سفر
لما
يلاقى الكون يضيق
بيكون صديق
ليمامة طايرة فى السما
غصن و نما
او وردة
شارده ما بين جفون
متبسمة

فلاح فصيح
بيناجى ريح
حاير ف احضان الجبل
و اللى اتجبل
على الصفا
ازاى يخاوى الانكسار

بلبل و طار
على الحوارى و الشجر
و ف كل دار
راسم فنار
لكلمة حلوة منغمة
حاطط مسار

عاشق يغنى للقمر
وسط السحاب
اللى انتظر

سمر

19/6/2007

مــحــمــود

28-12-2009, 04:30 PM

نورين

فاتت سنة
عصفورة جناحاتها هنا
وانا قلبى دايب م الحنان
و صو تها اجمل دندنة
تقولش نور؟
لا لا (نورين)
و دمعة هالله م العينين
قمر اهو منى دنا

فاتت سنة يا ضى عينى
بحور وداد
بينك وبينى
كل الابام متلونة ...
فاتت سنة

وردة كبرت جوه حضنى
لمسة ضاع وياها حزنى
وعيون تقول .. كلام كتير
خدود حرير
تقول خدينى ...
تتملى بالدمع عينى
و اروح واشيل
دا طريق طويل
ولسه هى " صغيرة
رجليها لسه مش مطاوعة ..
اوعى تعاديها يا زمنها
اوعى ..

هاتى بوسة ... حلوة يا لوزة
قوام تجينى
الشوق مالينى
فى حضن دافى
حب بياخدنى
بيقولوا شبهى
افرح و اخبى
واقول دى روحى
قلب مصاحبنى ..

القصيدة بمناسبة عيد ميلاد نورين الاول
كل سنة و انت طيبة حبيبة عمتو

مــحــمــود

28-12-2009, 04:31 PM

سجن حروفنا جوه الخوف
و الحلم عليه بنتعكز
و نتسند
و نتدارى من الايام
و بنعجز
ولا بنعرف
ايه الاوهام
و ايه الحق و المركز
لدايرة اهى بتتشابك
مع دايرة و تتعقد
وسطر يادوب بيتكمل
و نتحمل
و نمشى ع الطريق
و الضيق
بيحول
ايام الحنين مرسى
لفجر يقوم يادوب لسه
من نومه و يتعزز
و نطلب انه يرحمنا
ويتلذذ
بكلمة لأ ويقولها
و تبقى نهاية للقصة
ونستنى سكة المشاوير
ماهيش راجعة
صحيح دمعة
تناوشنا
وننساها ..تعيشنا
لحظة صدق تتاخر
اكيد اخر
كلامى يكون
عن الفرحة
تداوى اثارر
قلوب جارحة
عدَتنى
و عَدتنى من الماضى
و مش فاضى.... اعاتبها
و اقول للقلب ما تسيبها
تتشطر
و هتكسر
صحيح لو يوم
اسيب روحى ...تصاحبها .
سمر
23/5/2007

مــحــمــود

28-12-2009, 04:32 PM

بلاعنوان /همسة

هى
مواسم الغياب
غيم و لا امطار
رعد .. برق .. اعصار
و بلا دخان ...
تنطفئ النار ...

سفر
فى دروب بلا ابتداء
و لا انتهاء
ولا مواعيد ولا لقاء

شاطئ بلا اصداف
يفزعها ...
خوف السياف
حين يكتمل بدر الحكايات
و لا يجد لها راسا ...
و لا يجد لها عبرات ..
لا شئ
الا حزن ...
برد
و ارتجاف ..

وحدى ابصر دمعتها
و امضى ..
امضى
وحدى اترقب عودتها
ولا تعود
ولا تموت
ولا تنهار ...
احتار فى وصف حكايتها
ارحيل كان ...
ام كان فرار ؟
بلا اسوار
تحمى ضفيرتها
و لا اسرار
تداوى وجيعتها
و لا انهار الكلمات تروى
و لا سطور الحكايات تؤوى ...

فلا تحتار
ايها المار بمحاذاة حديقتها
ان كانت
بلا اشجار ...

فراشات بلا الوان ..
عصفور بلا بستان ...
و بضع حمامات ماتت
فوق الاغصان...

هذيان كتب قصيدتها
بلاعنوان
مكسور شدو بدايتها
ملحوظ كسر الاوزان ...

مــحــمــود

28-12-2009, 04:34 PM

وقالولى

حبيبك راح

و حب عليك جنيه ..

نسيكى خلاص

وحب كمان دهى وديا

و قالولى

ده سحر و زال

و قلبه اهو مال

عشق ميه

ضحكت وقلت ...

يا ناس ده محال

ده جانى و قال

فى العين موال

و فى كل ضفيرة ... اغنية ..

سالته سؤال

سبقنى وقال

ومين غيرك .. يكون ليا ؟؟؟

مــحــمــود

28-12-2009, 04:36 PM

حلمنا

حلمنا ... واقف هناك
مادد ايديه يندهك ..
و يسالك ..
لامتى هانكون مجروحين
وفى العينين الحزنانين
الف دمعة تعشقك ...
يا خسارة العمر الجميل
قلبى العليل
ينتفض
لما بيخلا مطرحك..
تبعد هناك ..
تجرى وراك ..
كل احلام السنين
تحصلك ...
لو مصمم ع الرحيل
خد معاك حضن الايدين
يوصلك....

مــحــمــود

28-12-2009, 04:37 PM

الشمس

الشمس فى قلب السما
جرح .. بتعدى عليه الايام وتفوت
والضى فى الاصل دمع انما
وسط اهات السحاب مكبوت
ومين غير المحبة الدوا
تزرع نظرة حنان ف سكوت ...

16-5-2007

مــحــمــود

28-12-2009, 04:38 PM

بلقيس تنتظر
آيتك الا تكلم النساء .. دهرا
و تمضى وحيدا غريبا
ترسل الف كتاب ...
بلا جواب ..
وتسير الف طريق ...
بلا اياب..
ويصبح فرحك ..هدهد غاب
تتلوها صلاة ..
وقبل ان يرتد اليك طرفك
تاتيك على جناح الشوق
تدمع عينك ...
تطل ..
صرحها ممرد من قوارير...
تفيض دموعك
تكشف عن ساقيها ..
تغض البصر
و يديم القلب النظر
نكر لها عرشها ...
وادعى ان هناك اخرى ..
قص على مسامعها قصصا تترى ...
وانظر اتراها تفتيك؟؟
ايكون بعدك ذنب
او هو عنادك يشقيك
هديتها حنان لا يرد...
والملوك اذا دخلوا قرية افسدوها ..
فلا ترد الهدية ..
اعطها تبادلك العطية ..
ولا تتردد
قبلك حاول الفرسان
لكنهم بالزهو اضاعوها

القصيدة تواصل مع رائعة مدرسة الشعر احمد الشربينى بلقيس

مــحــمــود

28-12-2009, 04:40 PM

فلسطين فى قلبى .. موال حزين

ايا ناعسة و خبرينى ...
اللى شتتنا مين
و اللى ضيعنا مين
و اللى سرق الليالى
م الناس الطيبين ..
ايا ناعسة و خبرينى
*****

اه يا غناوى و القليب حزين
والكلام ما بقاش يداوى
مين ها يقولها مين
حى على الجهاد
ما خلاص طال البعاد
عن ارضك يا فلسطين !!!

اه يا غناوى و الدموع
تجرى مطر
جه اهو وقت الخطر
و ليه صحابك يا بلادى
يبقوا متهجرين
اه يا وطن صامد

لكين .. حزين ...

******
طال صمتى و رفضى و الالم
لكنى اردتها صفحة للبوح غناءا ... او دعاء ...
ليس هذا شعرا اعترف لكنه مجرد بوح

اه يا اسمرانى اللون ..
ترابى اسمرانى
و بدال الشهيد مليون ..
وكفاحنا .. غناوى ..

يا شهيد ما تمد ايد ..
فى القيود مغلولة راية
الانتصار قريب بعيد
و السهادة ليا غاية ...

اه يا وطنى البعيد
شيلاك فى قلبى جرحى

و دوايا ....

مــحــمــود

28-12-2009, 04:42 PM

ولا يهمك

ولا يهمك هعانى
ولا حتى هتاثر
اعدى الجرح
ولا يا روحى مش هقدر...

ولا يهمك
هنام الليل
ولا مع جرحى
رايحة انا اسهر

ولا يهمك فراشة بطير
بخد حرير
ولا حزينة ..
وحتى صوتى متغير ..

ولا يهمك ولا تفكر
و لا تسال و تستفسر
و لا مالك تقولهالى
ولما احكى عن حالى
الاقى الدمع يتحجر....

ولا يهمك

مش قلت خلاص ..
وجرحت القلب
و الاحساس ...
خلاص يكفى ؟
ولا تانى فيه اكتر؟؟؟

ولا يهمك

وانا ايه اكون
سوى يمامة
بجناح مجنون
شالها لفووووق
/
/
/

واهو اتكسر ...

مــحــمــود

28-12-2009, 04:43 PM

ساعات
بننفخ فى السكات
يطرح ....موات
مهى الحكاية المعتمة
صبحت حقيقى...
مؤلمة
انك تمثل الثبات
و كله ...
كله فات
و السكة فاضية مضلمة ...
انا مش هكون اعز
من كل اللى راح
حضن البراح
بيسااااع
الف شكوى و مظلمة
بطلت اغنى للجراح
صوت النواح
يعذب فيك فرحة ميلادك
صوتى فى سكاتك
واكون معاك متألمة
لو ابتدى سكة اللى يروح...
(مجيش)
وكل دمعة تقول مفيش
غير بس نارك
وفين اخبى
طوفان دمووع
امتى الرجووع؟؟
وازاى اجاوب ع السؤال
و اللى همى
ف يوم
مازال...
وعارفه انه مستحيل
تقدر تلبى
سبنى بقى لليلى الطويل
و المخبى ....

مــحــمــود

28-12-2009, 04:44 PM

انت انا /قصاصة لسمر

انا هنا ...

رغم ان العاشقين

سكنوا القصائد حالمين ...

انت ... انا

ولسنا نبحث عن بديل ...

مــحــمــود

28-12-2009, 04:46 PM

صفحة و اتقلبت

اكتبنى صفحة واتقلبت
وايام شوق
واتغلبت
بحصار وظنون
و اكتبنى حنين
لزمن ماضى
زمن كداب ومش راضى
يبقى حنون
واكتبنى سكون
عشش جوه تكوينى
نار فى القلب تكوينى
وشوق مسجون
ويبقى جنون
لو استسلم
وابكى لما اتالم
وعذابى يهون ...

دنا عصفور على كفك
بنى عشه
و كان قشه
حروف و دموع
بيكتبها قليب موجوع ...
و ليه غشك
جمال صوته
و رفرفته
ساعة موته
وكان فاكرك
دفا وامان

....

مــحــمــود

28-12-2009, 04:48 PM

تاتا.... ( من دفاترى القديمة جدا )

تاتا ..اسم الله يا بنتى
حلوة ايديها
ماشية بتتسند
ولا عينيها ..
قلبى بيتنهد
جاية عليا ..
هى الحنيه
قلب صغنن .. حضن يجنن
تاتا اسم الله يا بنتى
ايدين بتشاور
رجلين بتشب
امتى تقول لى يا ماما بحب؟؟!!!

http://www.9q9q.org/index.php?image=bqw462kifPpOb5
ناكل مم .. و اشيل الهم
لو قالت مرة
لأ ... مش عايزة
كان فى دكتورة .. اسمها ايه؟؟
اه !!! باين فايزة
اجرى اوديها

و احايل فيها
لو خدتى دواكى
هتاخدى الجايزة
الف سلامة حبيبة ماما
يا ريتنى فداكى يا بنتى
تاتا اسم الله حبيبتى

ماليه التعاوير ايدين وركب
ما قولنا خلاص بطلنا شغب
اخدها فى حضنى
قلبى يسمى
تمسح بايديها عنى التعب ...

حلوة ضفيرة .. عايزة فيونكات
هاتى الوان ارسم لوحات
لا قررت اخد كورسات

تاتا اسم الله يا بنتى
الف و انقى فستان العيد
اصل يا ماما موديله جديد

يا رب زمانها يبقى سعيد

عينين محتارة فى تلال الكتب
ميولك علمى .. ؟؟
بحب الادب
طب اسوق طيارة ..
كمبيوتر قدراته عجب
تاتا اسم الله يا بنتى

لابسة حبيبتى فستان بالطرحة
قلبى يا ناس هيطير من الفرحة
واخاف ابوسها .. دموعى احوشها
تبكى عروستى و اكون السبب
تاتا اسم الله يا بنتى

مــحــمــود

28-12-2009, 04:49 PM

شمس بصحيح

عاوزة اصرخ عاوزة اقول
شمس بصحيح
مش شمعة تايهة ف الافول
و لا نيش فى الدروب قنديل
ينور لك
ولا عمره يميل
ولا نيش ميت بلا ديه
ولا ليا يا عمرى بديل

منيش محتاجة كلمة وحرف
وماشية صحيح
لكن ع الحرف
ومش ملزومة اتاسف
لو دمعى الحر
جرحلك طرف

مش واجبى ابررلك
ولا احكيلك
وافسرلك
لو غضبان ف يوم صوتى
ولا مكبوت ضيا سكوتى ..
لان هوايا محتاجلك

ماشى صحيح ؟
طب انسانى
و قطع سطر عنوانى
ولا تفكر
هتلاقى الخطوة جيبانى
ف حلمك لما يتفسر

سمر أحمد
25/3/2007

مــحــمــود

28-12-2009, 04:50 PM

اوعى تروحى..

اوعى تروحى .. خليكى
خاف الصوت يناديكى
وما تردى ..
واقول يا دنيا ليه بتفضى
لو اتلفت وما الاقيكى
اوعى تحصلى الاحباب
شعاع الفرحة يوم لو غاب
يعود بيكى
وضلمة الكون
ونور بيكى ...
اوعى تروحى خليكى

وحدى و السنين بتمر
و ايه هايسر
بركة عمرى
خليكى...

مــحــمــود

28-12-2009, 04:52 PM

حلمك عدا؟

يا نجمة وحيدة ف العالى
بيحلالى
اغنيلها
و ادعيلها تكون فرحة
بتتمهل
و بستسهل
اعدى بحر احزانى
و انا جيلها
و يشرب ليلى من ليلها
و اردد شوق مواويلها
نغم تانى
و ليه يا عمر متمرر
و ليه اكرر
زعلى من حبايب روح
فاتونى
و كتبوا بظلمهم قصة
وانا بنسى ..
اجافى اللى باعونى
ماهيش فارقة
تعيشها وحيد
تعيشها سعيد
متفاتة
وايه الفايدة ..
تعاتب واحد و التانى
يكون جانى
ولا بنور بيتوضى

حلمك عدا ؟؟
و ايه يعنى
كتير غيروا
راحوا فى ثانية و التانية

قطرك هدا ؟
مهو طبيعى
شتا كاتم على ربيعى ...
دنيا يا صاحبى اهى و فانية ..

مــحــمــود

28-12-2009, 04:53 PM

محتاجة اشوفك!!!

والعيون تشوف عيون
يمكن ده شوق
يمكن ده نوع من الجنون
محتاجة انى اقول الااااه
والقاك حنون
محتاجة اسرح ويا كلمة
تبقى نور و الدنيا ضلمة

عايزة اشوفك !!!

عنى ليه بتنشغل ؟؟؟
حالك ليه بيتبدل ؟؟
محتاجة حنيه كفوفك
محتاجة اشوفك!!!

"عاملة ايه؟؟""
"كويسة""
والدمعة ليا مونسة
مش قادرة اقول متفتتة
وازيد ف خوفك
امتى هشوفك؟؟؟؟

مــحــمــود

28-12-2009, 04:55 PM

انا وهواك...
فى موجة بحرك العالى
بيحلالى
ساعات اسهر
مراكب عايمة فى ليالى
(انا عاشق )
تقولهالى
كلامك فى الودان يسحر
ساعات يأسر
ضى الشمس فى عيونى
يدوب كونى
بيبقى كله هو انت ...
وتندهلى
تكون اهلى
وصاحبى و كل ما ليا
وساعات غيرتى
ساعات حيرتى
بتزرع الالم جواك
وانا وهواك
ولحظة يتملى قلبى
سنابل شوق
ولما تروق
ترجعلى ..
وتحصدها ندا ودموع
تقيدها شموع
لاحلامنا
تعاتبنى
ويغلبنى
نبض القلب واهاته
د انا حياته
واوجاعه
وقلبى عمره ما باعه
و ليه راضى تزعلنى
وتزرع للقلق بستان
يا دار وامان
بيساعنى
بيجرحنى
تبعد ليه عينك عنى
و تلاحق نظرة و التانية
ليه التانية
بتاخد منى تفكيرك
وتفسيرك
للامور حيران
يا غصن حنان
بيميل
يغطينى
يكفينى ...
تكون جنبى
وانا وياك

مــحــمــود

28-12-2009, 04:59 PM

يا با..... مهداة الى روح الزعيم جمال عبد الناصر

يا با
صرخة من قلب قلبى
و الخد ساحة سبق للدمع
بنده عليك ما يرد على ندايا
احد من الجمع
كله مشغول بحاله
فقدوا الشعور و السمع
صاموا عن الكلام طيب ..
واحترفوا الصرخة بتدوب
و انا يا با ما بعرفشى
من الكرسى اجى و اتقرب
وبتغرب
وتكرهنى موانى الارض
واعود تانى

فى امكانى
اغير اسمى
رسمى
وكيانى
فى امكانى اكون واحدة
من التانيين
على العشرة و الجيرة
مش باقيين
فى امكانى
اكون رايحة و مش جاية
ودموع
ف امكانى
اكون قابلة بكل خصوع
اقول ايوة
لما تعز قوله لا
اقول بايعة
ولاقلبى فى يوم بيرق

لكنى يابا مش ناسية

لمعة حلمك فى عيونك
براح قلبك و مضمونك
حنان الدنيا فى كفوفك
لما تضم !!!

وانا يا با مش قاسية
ولا اتغيرت
ولا بتخلى يوم عن فرض
ولا عن ايد فى حلكة ليل
اوم تتمد

يا ابا عدت سنين وسنين
وناس راحو ومش جايين
وناس بتغير جلد بجلد
وناس تضحك فى وقت الجد
وناس مش دارية باللى يجد
وانا باقية
انادى
عليك

يا ابا...
يا ابا

(واحدة من المصريين )

مــحــمــود

28-12-2009, 05:02 PM

فى حبك يا بلدى

يحلا الكلام و القول
و الصبر ف هواك
مش شرط بعده ننول
رضا نظرة من عيون نيلك
و اغنيلك
تملى و اقول
يا اجمل من اتكتب لهم مواويل
يا مصر يا غالية و البعد عنك ... ويل

*****

ياللى جمالك عجب
يسبى العقول و يخيل
على شط نيلك دهب
ونجوم فى ليل قنديل ..
يحلا لرضاك التعب
وعرقى فى المنديل ...

***

فى عيد ميلاد الاصيل
بغنى موالك
و انت ف سنين التعب
ما راق ف يوم بالك ...
كنت حضن الغريب ..
وابنك دا راس مالك ..
وفين تلاقى البديل
يشيل هموم حالك؟

****
كان الجميل هو ...
و كان الاصيل ...
وف القلب من جوه ...
وجذع نخيل
على نيلك
مامالش ف يوم
ولا اتكسر
و مهما الدنيا تتغير
خطاب الازهر ...
بنرجعله
و نقولها معاه
الله اكبر ...

اهداء الى روح الزعيم جمال عبد الناصر فى ذكرى مولده 15 يناير

مــحــمــود

28-12-2009, 05:03 PM

خيل الحكومة ...
فى البداية
اخر دلع
فى النهاية
قلب انخلع
بس برصاصة
والاكادة يا جدع
قلبى العبيط لما ولع
وشاط غضب
يومها انغصب
يحط على وشه ابتسامة
ويسمع ملامة
تتحط على عينه الغمامة
يفضل يلف
زى تور
ولما تعبه ينهكه
يقع ...
و تيجى الندامة
و لما حلمه يتكسر
يفتكر
خيل الحكومة ..

مــحــمــود

28-12-2009, 05:04 PM

نجمة وحدتى

برد .. وبرق

و كل الاسئلة

اجابتها لأ

فنجان القهوة برد

ما بقاش ليه وش

و الراديو

كمان بيوش

ولا عودت عينى

ولا الحبيب باينه رق

و حق

تايه بين المماطلة

والورق

صدق

اللى قال ان الكلام

كله غش

برج الحمام

طبعا اوهام

القمر ضيه اتسرق

مبقاش فيه لحظة فرح

كله انجرح

والولد

ديما يقش

معلش

يا نجمة وحدتى

عمرى صبح

طيارة حلوة من ورق

ديلها اتحرق ..

مــحــمــود

28-12-2009, 05:06 PM

وحشتينى يا مصر اهداء الى سفير الغلابة

وحشتينى يا ضى العين ...
يا غالية فين حنانك فين؟
واحبك لو يجينى البين ...

صاجات بياع العرقسوس
تقولك ... مين هايسوس
رعية ...
من غير ما نكون ...
احنا الضحية ....

و قدرة الفوووول
بتقووول
يا موزع الرزق ...
و العشق
على غلابة
ما يمتلكوش م الدنيا
الا سماحة
وطيابة
ولحظة صدق ...
وربابة ..
واغنية
على الارغول ...
يا نخلة بتسلم
على سحابة
وحشتينى

على راس الغيط
و الساعة عصرية
و الشمس ملفوفة
ف منديل محلاوى
يا غناوى ..
محتاجة الارض لتقاوى .
و عرق و دموع
و درب رجوع ..
لمسافر
بيعافر
برد وجوع
وحشتينى

يا صينيه الحنة ...
مفتاح باب الجنة
من الفضة اهو انا صغت
خلخال
ومش كل الكلام يا حلوة
متقال
وكردان ...
وغوايش ...
ياريت الحلم كان عايش
وما شاء الله
وحلو ومر
اهو كله من الله ...
وحشتينى

يا حارة و سد
يا حيطان السد
يا تكبيرة
يا لقمة حلوة تصبيرة
يا قلب يود ...
وحشتينى

يا غنا الانفار
يا ضى نهار
و تنهيدة
و طرحة تدارى تسبيله
و توبها خضار ...

وكلام بهزار
و تعسيلة ..
على سطح الدار ...

تعب المشوار
يا اصيلة
و العيشة مرار ...
بس ف زحمة المشوار
و بقولها وقلبى يعنيها
وحشتينى ...

مــحــمــود

28-12-2009, 05:07 PM

داب الكلام

ف بحور زعل
و العشم
و الاخوة
و الامل
كلهم فى لحظة
قرروا الرحيل
فى مكاننا لسه
واصبح ما بيننا
الف ميل
وداع يا نجمة دفا
فى قلب ليل
وداع يا حضن الوفا
حصاده ويل
وداع يا حلم اختفى
ومالوش بدل
عمرى ما هنساك
حتى
لو حان الاجل

مــحــمــود

28-12-2009, 05:08 PM

دمع القصيدة
و ترنيمة راهبة وحيدة
و ظلم و ظلام
و ظبية تعدو شريدة

دمع القصيدة انا ....

وحرف لا يتصالح مع ما يليه
فى اسم
قالت لى الحياة
انسيه
وكثير ما نهوى
ما كنا زاهديه ...

اه .. يا وجع القصيدة
يا سلم الالم
حين كنا نرتقيه

وتخاصمنى القصيدة
تلقينى فى بحر الضجر ...
و يعبس وجه القمر
ويضيع امل كنت ارتجيه...

و السين سنونوة تطير
مجروح يا خد الحرير ...
يا ذروة فرح ما كنا بالغيه ...

و السين دمع قصيدى
و استهلال نشيدى
اين منى يا وحيدى
غرام
فى الاحداق اداريه ..

مــحــمــود

28-12-2009, 05:10 PM

دخان .. وشوية جنان

عارف ليه بيقولوا الدخان

بنشربه

اصل زيه زى الهم

بنكتمه

و زى زفرة الالم

وسط العدم

نخرجه

ويتحشرج

منا صوت

ونقرب ساعات

ع الموت

لما نجرب نطرده

تمام..... زى الالم

لما يعشش فى الصدور

يملا دمعك البحور

وما تحاولش تنشفه

تسرح ساعات

ويا السكات

و تقرر انك تبقى طير

من غير قيود تقيده

و تقول جنونى

كل شئ بيثبه

و فجاة تلقى انك

الوحيد.... العاقل!!!!

و ان ولا حتى الجنون

يستاهل

وان الحكاية

ما بقتش فارقة!!!

و هى غرقة!!!

و الكون ضباب

تفتح كتاب

وف وسطه

تدفن صفحتك

و صرختك

تبقى سراب ...

مــحــمــود

28-12-2009, 05:11 PM

كانها دمعة !!!

وكأنها دمعة
محبوسة بين جفنين
و كانها ذكرى
فى القلب محفورة
مقطوعة اهى الصورة
مشبوكة بين اهتين
يا مين يداوى الجرح
و مين يجيب الفرح
ضايع تمللى الحرف
فى مسافة بين سطرين
***

وكانها لمعة
حيرانة ف عيونى
و بتحكى مضمونى
وحكاية بين اتنين
قلبى و ننى العين ... ..
دمعة فرح
قلب ..اتجرح
و كانها يمامة ..
حيرانة بين غصنين ..

مــحــمــود

28-12-2009, 05:19 PM

لنكن غرباء

امد كفى للسماء وادعو
ان يكون عمره اجمل
ان تكون سعادته اكمل
و يقول ...
لنصبح غرباء
عفوا .. اصدقاء
لنذبح الامانى
و نخرس الاغانى
ونحيا فرقاء
واتذكر احلام اللقاء
و اتمتم ..
امضى وانسانى
دعنى لاحزانى
و امد كفى للسماء وادعو
وتسيل من قلبى دمعة واحدة
و نظرة من عينى ولت شارده
للافق المختنق
زفرة فى صدرى تحترق
ولا ادرى لم تتقافز على لسانى
ابيات شعر عن طوق الياسمين
ودموع قمرى الحزين
وقلب يتمزق تحت اقدام الراقصين
نعم لنكن غرباء
عفوا ...سجناء
امض امير احلامى الموؤدة
او ابق فى مدينتك المفقودة
وراء ابوابك الموصودة
ابق .. و لا تذكرنى
واذا رأيتنى يوما انكرنى
وادعى انى ابدا لم اكن
حكاية من حكايات هواك
ولا صفحة فى دفاترك
ولا همسة حب مرت فى خاطرك ....

مــحــمــود

28-12-2009, 05:21 PM

شمس فرحتى .. ولاء

من وسط عتمة ليل طويل
شق الضلام قنديل

ووش جميل
وقلب اطيب
من موج النيل

ولقيتها
كما شجرة بالحنيه بتضلل
وتتمهل
و الغصن يميل

فى تنهيدة
و تسبيلة
وصوت نادى
صباح عادى لو مافيهوش
وردتنا

ولو بيتنا
سمع فى اليوم ضحكتها
اقول الله
يحفظها ..ويكرمها
دى تالمها دمعة حزن بتلالى
و تسعدها كلمة بحب ارددها
بسيطة وقلب عصفورة
وتبقى لى اخت وبنت
و اخ كبير
وقدم السعد

مــحــمــود

28-12-2009, 05:23 PM

جيالك

لما رتم الحياة يقع
وهو من امتى ماكانش واقع
دى الحياة كلها بقت
عبارة عن ازاز ساقع
بيدارى عيون دبلانين
وناس ماشية و ناسية
قلوبهم مش فاكرين
سنين
عدت بلا اهداف
و جروح ولا بتنشاف
و قلب خلاص من زمان عجز
بقى بيخاف
لو عدت عليه نسمة
و جرحه مش دبلان
فرحه مشى زعلان
وهان ..
الود و العشرة
بقت دخان
حكاوى زمان
ما بقتش خلاص فارقة
على الورقة
سطر نحيب
وسطر يجيب
فكرة
و ذكرى
و سر اتصان
بستان
ود وحنيه
واغنية بدون الحان
بدندنها انا وهى
(احلامى) فاكرها ...؟؟
ولامتى انا هصبرها
و الايام تمررها
هكررها
واقع اوى رتم الحياة
ودواه
تدوب فيا
وترياقه
وانا للقلب اشواقه
وجيالك
ولو حتى خطاوى هواك
مش جاية ...

مــحــمــود

28-12-2009, 05:24 PM

احب الليل

افتكرلى مرة غنوة يوم سمعناها سوا

احب الليل..
قمر و حكاية نحكيها
و امال بالحب نبنيها
تنهيدة قلبى تندهلك
و ايد عل الخد
تونس دمع مشتاقلك
واغنية.... ساعات هى
تكون مرسالى و تروحلك
بعادك طال
دا انا غصن ومال
بيندهلك
تقطف ورده و تزوره
نسمة و طيف

وافتكرلى لحظة حلوة عشنا فيها للهوى

واحب الليل
و صوت همسك
يناجى نجوم
بتسهر لك
وانا وقلبك
عصفورين
و حلم بدايته مش ليا
وبقيته بايدى مسطورة
يا اسطورة
فى كتاب الحب بنقشها
وبنعيشها
شهور و سنين
وصدفة بحر
صدفة معاك بلاقيها
واوشوشها
بامنيه
تكون ليا

وخد من عمرى عمرى كله ..الا ثوانى اشوفك فيها...
واحب الليل
دفا وسكون
وشوق مجنون
لعيونك
و تنسانى
يا عنوانى
ياكل لمحة ف كيانى

مــحــمــود

28-12-2009, 05:25 PM

لحظة خضوع

اجمل مافى الحب ايه
لحظة خضوع
لما يرتعش قلبك و تلمع
فى العين دموع
لما قبل ماعنى ترحل
يبقى املك الرجوع
لما ينده لك حنينى
ويبقى عمرى ليك شموع

لما تحتاجنى اجيلك
قبل ما ينطق نداك
ابقى عطشك وابقى نيلك
وابقى فى الخطر فداك
و لما يهجر قمرى ليلك
يرحل الفرح معاك

مــحــمــود

28-12-2009, 05:26 PM

وسط النخيل

رمح العيال وسط النخيل ياما
وانا زى النخل عالى
وما اطول القامة
ولا عمرى اقبل بذلى
و لا احنى للزمن هامة
ولا اخلع توب الرجال
ولا ارضى بملامة
يا امه بوصيك يا غالية
لو خدتنى الغربة اوى
و تعبتنى رجليا
ما تنوحى يوم ياامه
و لا تبكى حنيه
ولدك راجل
يزينه العقل و الهمة
يحمل همومك
و هموم دى الامة
ولا عمرة يوم بينكسر
ولا تخنقه الغمه
يا اما قولى لابويا ما تخافش
ولا يغره الكداب
لو كان للريش اهو نافش
اصل الاصيل يا امه
عمره ما يهابش
ولو تعوى حواليا الديابة
هفضل انا عايش

مــحــمــود

28-12-2009, 05:28 PM

شد حيلك .. يا وطن!!

(مدد مدد شدى حيلك يا بلد )

كانت اغانى
و تانى تانى
راح فى قانا كام شهيد
ايه الجديد
اطفال صغار ؟؟
فاكراكى يا بحر البقر
فاكراكى يا صبرا و شاتيلا
فاكراكى يا غزة الجميلة
فاكراكى يا بغداد

ماتوا الولاد ؟؟؟
متى بقى ييجى الميعاد ؟؟

امتى تفوقوا يا عزوتى
ماتت بنتى و جدتى
و الحريق شب فى بيوتنا
يا مين يغيتنا
الى يشجب و اللى نايم
واللى على بتروله عايم
و اللى خايف ع الرياسة
و اللى ساكت فىالخباثة
و اللى صلى و اللى صايم

اه
يا عالم شرير و ظالم
مش هانتقبل تعازى
اللى فاكر و اللى ناسى
و اللى بيقول ان هو
بالامور الخافية عالم

وقف اطلاق النيران
زى شروط الامريكان
ولا اقبل انى اسلم
و ابقى انا فى بلادى ضيف
مصير مخيف
و العالم كله جبان ...

مدد مدد شد حيلك يا وطن !!

مــحــمــود

28-12-2009, 05:29 PM

اخر نقطة ضى
هناك على مدد الشوف
قلبى خلاص
ما بقاش ملهوف
زى ما كون واقفه
فى طابور العيش
و الرغيف
عمره ماهو جى
حى ..على الرحيل
يا ليل ..طويل
قمره راح
ومالهش زى

وازاى انا اغزل
بدمعى
خبط طويل من الامانى
وقلبك ليه كان انانى
ما شافش انى
(هرحل ماجيش )
خلاص مفيش
حل تانى
وليه اعانى

ياللا !!!!

نويت اترك مكانى
لحد تانى
يكون جديد
فى طباعه يمكن او يزيد
فى محبته
قلبه يمكن يكون حديد
وقسوته
تخليك سعيد

ما بقتش فارقة
طيبتى
ولا عندى
ولا انى حتى مقربة
رغم انى
عن عينيك متغربة
وتبقى انت ليه
ليا الوطن
وتبقى ليه
كل المحن
وتبقى انت اختبار نهائى
استنى فيه شهادة رسوبى
يادوب كده
سرسوب حنين بيشدنى
اعطش وادوب
لكنى ارجع انتهى
واقول هاتوب
وويا لحظة للغروب
(القى القلوب
بعيدة عنى كلها)

واقفة هنا
على شط النجاه
و القى الحياة
رافضة مرة تبصلى
كانى كائن من العوام
حقه فيها انه يحلم
حقه انه مرتاح ينام

وكأنى نخلة فى الصمود
بياكلها دود
وواقفةجامدة
و ليه النهارده
بقى ليها صوت
هسكت .. هموت
و لا عمرى حتى هنتفض
هبتعد بس فى سكوت
زى اخر نقطة من ضيا
خانقه الغيام
واقول سلام
على كل لحظة للفرح
قلبى
من شوقه انجرح
صوتى اتنبح
و انا بنادى على الامل

لحظة ملل
كتمت اهاتى
لحد ما يحين الاجل
يا كتاب قفلته و انطوى
غنوة هوى
و يا لمحة من بعيد
لعيون حبيبى و البكا
بيحوش ضياه
مين التقاه ..؟
مرة فايت من هنا
يمكن انا
كنت السبب
كنت الوجع
كنت الحياة
كنت النجاه
وكنت اخر طير مهاجر فى السما

اه يا انا
يا ضايعة بين الاه و اه
يا ضايعة بين حضن النحيب
و الهمهمة
يا ضايعة بين حرفى و صمتى
و الضنا
زرعت حبك سوسنه
طرحت ليه صبر ومرار
دابحنى صمت الانكسار
والانتظار
ما صبحش حالة ممكنة

وانت يا غنوة
عماله تتردد فى دربه
اوعاك يوم
تبقى غنوة محزنة
قوليله يبقى يفتكرها
اقصد .. انا
حتى ضمير المتكلم راح
وكلمة انا
وكلمة هنا
وكلمة ياريت
يا للى قلبه كان براح
و كان هنا
و كانلى بيت
خلاص نسيت ؟
ولا دموعك كلها
خلاص داريت ؟
يا قلبى ما تسكت بقى !!!