سجون الصمت

[محمد سعيد]

سجون الصمت


اللحن رافض يتعزف ليه يا ترى!!!!!
والمعنى فينا بيتخنق
والحلم مش قادر يكون... غير السكون
غير دمعة مرة مكـتـفـة ننى الـعـيـــون
عن كل خطوة دوستها فوق السكك
عن فين وفين..عن مين ومين
مش قادر اكتب ولاّ اقول
كل اللى سال من حبر قلمى نقــطـتين
بعديها ضاع منى القلم.. معرفش فين
وفضلت وحدى اشتكى الزمن اليتيم
وسألت نفسى رغم كل اليأس... ليه؟
ردت وكان الرد............
اصعب من سجون الصمت وآهات الألم
راح تكتب ايه!!!؟؟؟
الجملة دلوقتى لها مليـــــــــــــون شبيه
والمعنى من كتر الكلام اصبح فى تيه
من بين جمود الدم فى عروق المعانى والحروف
عديت حدود الخوف وطلعت صرختى
رايح اكتب ايه!!!؟؟؟
رايح اكتب الكلمة اللى فيها النبض من قـلـب الحــيــــاة
مقدرش اشوف الدمع فى عيون البشر ولا اقولشى اااااه
ولاّ القلوب الصافيه مسروق حلمها والياس بالغ منتهاه
مقدرش اشوفك يا حبيبتى معيــطـه
ف عيون ولادك والحقيقه مشخبطه
براويز قزازوناس لُذاذ موميات حجات متحنطه
ما اقدرش اشوف... ما اقدرش اشوف
عرق الغلابة ع الجبين معجون بخوف
مقدرش اشوف الدم على جثِّة وليد
آهين يا دمى عيب عليك... مين برّدك جوه الوريد
عن انعكاس النبض من قلب السكك
رايح املا كل الدنيا قول
ولا عنت هسمح ينقفل بيننا الكلام
من بعد ما دق الجرس
ولا عادشى خوف ولا عاد خرس
***

[مــحــمــود]

أصبح الخوف ملازم لنا والخرس يصاحبنا والدنيا من حولنا سجن !

أتذكر الفلوجة الآن وما يحدث لها من دك وتدمير وحرب إبادة !!

ونحن شهود عيان .. والصمت الغريب يلفنا !!

ما أروعك أخي الكريم صفحات العمر ..

وما أسعدنا بك ..

دمت رائعاً .

[ســـارة]

اللحن رافض يتعزف ليه يا ترى!!!!!

عارف ليه رافض يتعزف ؟
عشان انين الصمت صوته بقي مسموع اكتر من اللحن فاللحن خجلان انه يتعزف

والمعنى فينا بيتخنق
والحلم مش قادر يكون..
. غير السكون
غير دمعة مرة مكـتـفـة ننى الـعـيـــون


كلاماتك معانيها حلوة اوي
الواحد لما بيقراها بيحس انها بتتكلم معاه وتواسيه




مقدرش اشوف الدم على جثِّة وليد
آهين يا دمى عيب عليك... مين برّدك جوه الوريد


الله عليك
اللي برد الدم جوه الوريد من كتر ماشوفنا اخوتنا الفلسطنين والرصاص مزين رؤسهم
والدم كاسيهم بقي عندنا مناعه من الالم بقينا نتفرج كل يوم عليهم كاننا بنتفرج علي فيلم درامي
ونعيط شويه وبعد خمس دقايق او اقل نهزر ونضحك وكاننا ماشوفناش حاجه

بجد بجد ربنا يبارك فيك

تسلم ايديك

كلمات ومعاني اكتر من رائعه

[محمد سعيد]

أصبح الخوف ملازم لنا والخرس يصاحبنا والدنيا من حولنا سجن !

أتذكر الفلوجة الآن وما يحدث لها من دك وتدمير وحرب إبادة !!

ونحن شهود عيان .. والصمت الغريب يلفنا !!

ما أروعك أخي الكريم صفحات العمر ..

وما أسعدنا بك ..

دمت رائعاً .

السلام عليكم ورحمة الله وبركاته

كل الشكر اخى الحبيب عمدة هذا الدوار العامر على تفاعلك الكامل مع كلماتى
فقد اصبحنا بالفعل فقط شهود عيان
يؤرقنا الصمت ويخيم على قلوبنا الوجع والانين
رغم كل ما نراه من انتهاكات لابسط حقوق الانسان
ممن يتشدقون بها
لك كل حبى
اخوك محمد

[محمد سعيد]

اللحن رافض يتعزف ليه يا ترى!!!!!

عارف ليه رافض يتعزف ؟
عشان انين الصمت صوته بقي مسموع اكتر من اللحن فاللحن خجلان انه يتعزف

والمعنى فينا بيتخنق
والحلم مش قادر يكون..
. غير السكون
غير دمعة مرة مكـتـفـة ننى الـعـيـــون


كلاماتك معانيها حلوة اوي
الواحد لما بيقراها بيحس انها بتتكلم معاه وتواسيه




مقدرش اشوف الدم على جثِّة وليد
آهين يا دمى عيب عليك... مين برّدك جوه الوريد


الله عليك
اللي برد الدم جوه الوريد من كتر ماشوفنا اخوتنا الفلسطنين والرصاص مزين رؤسهم
والدم كاسيهم بقي عندنا مناعه من الالم بقينا نتفرج كل يوم عليهم كاننا بنتفرج علي فيلم درامي
ونعيط شويه وبعد خمس دقايق او اقل نهزر ونضحك وكاننا ماشوفناش حاجه

بجد بجد ربنا يبارك فيك

تسلم ايديك

كلمات ومعاني اكتر من رائعه

السلام عليكم ورحمة الله وبركاته

اهلا بكلمة الحق الجريئه/ زهرة العلا
اهلا بك اختى الكريمه لاول مره فى صفحات العمر
ولكن ما اجمل مرورك وما اجمل فهمك واستيعابك وتفاعلك مع كلماتى
اطلاله جميله وذكيه شاركت معى فى الحوار فكانت الردود تحمل شفاء التساؤلات
التى حمتلتها الكلمات لتكون سعادتى الكامله بان ارى صدا لصوتى داخل قلوبكم النقيه
يردد نفس المعنى يحلم نفس الحلم
يتمنى نفس الامنيه ويتاهب للخروج سريعا من غياهب سجون الصمت

فى الحقيقه انا سعيد جدا بهذه المشاركه الشديدة الايجابيه
لكى منى كل تقدير
اخوكى محمد

[روبي]

الحكاية هيا هيا
والنفوس هيا النفوس
لو تعُمّ الحالة ديا
نتهرس جوة التروس
الحياة صبحت مرار
واتبنى بينّا الجدار
والغلا في الكل واكل
وانطفى نور الفانوس
الدموع عالخد نزلت
والقلوب الدافية سقعت
والمغارب اللي كانت
للحبايب ملتقاهم عالبحور
.. دلوقتي فضيت
اتسجنا جوة سور مالوش مطال
والهموم اللي ف قلوبنا بقت جبال
بس برضه رغم صعب حياتنا ديّا
واللي مش عارفينله آخر
عمرنا ما ف يوم نقول ما بقالنا غيّة
قوم قوام وابني المعابر
اللي هتعديك وهتخليك تسافر
من همومك اللي فاكر مالها آخر
وان قدرت تعدي يابني خد بايدي
وان لاقيت في السكة حد كمان تساعده
انجده ..... وخد بيدُّه
تلقى نفسك في النهاية معدِّي أمة
تِوصَل في لحظة بعد غُمَّة
للي كنت فاكره في يوم .. أصعب قرار


مؤقتاً بس يا محمد بيه .. ولنا عودة :)

[lawyer_heart]

أخى العزيز/صفحات العمر


مامعنى أن يولد منا شاعر مامعنى أن يولد فينا فنان

مامعنى أن يحيا بالشعر وتغنى كلماته بكل لسان

أن يأتي إلينا ببسمة حرية ويحيا العمر بلا منفى أوطان

مامعنى أن يرسم بالحرف لوحات على وجه الدخان

وعيون تعشق هذه الكلمات وتدمع منها عيون الولهان

ويصير الشعر ترانيم وحداء ونسأل عنها فيروز الشطآن

ونقضي العمر بلا سقيا والكأس بيدنا لاتروي ظمآن

حين ولدت كنت أغني عربي أنا ... فصيح بيان

وحين كبرت لعنت اليوم الذي ملأ الدنيا بهذه القطعان

فلا أرض لدينا نسكنها إلا بقايا وطن يحرسه السجان

ولم يبقى رحم ينجب حراً وإن ولد فللقبر أو القضبان

خنساء العرب تحمل يومياً ولا تلد إلا بقايا رعديد وجبان

ويضاف إلى المرعى خروف وتضاعف سنوياً أعداد الخرفان

يا أم الخير فلا تلدي عبداً وإن جاء فدعيه طعاماً للغربان

ولاتبكي عليه ولا تذرفي دمعاً غردي فالموت لدينا بالمجان

فدموعك يامي ستصير دماً لو حاول أن يحيا كإنسان

فلماذا عذابك ياأمي بتربية وسهر الليل على الصبيان

فدعيهم فلاخير ستراه عيون والأعراب سبايا منذ زمان

فلماذا تلدين رقيقاً يا أمي ليربي بأحضان الأمريكان

هذه حالة أمتنا فلا تنتحبوا نختصر التاريخ بكنا وكان

ويخرجها يوسف في أفلام وينال عليها سعاف المهرجان

فلا خير في يد لا تحمل سيفاً ولا رأس سجد لغير الرحمن

ولك خالص تحياتى

[محمد سعيد]

الحكاية هيا هيا
والنفوس هيا النفوس
لو تعُمّ الحالة ديا
نتهرس جوة التروس
الحياة صبحت مرار
واتبنى بينّا الجدار
والغلا في الكل واكل
وانطفى نور الفانوس
الدموع عالخد نزلت
والقلوب الدافية سقعت
والمغارب اللي كانت
للحبايب ملتقاهم عالبحور
.. دلوقتي فضيت
اتسجنا جوة سور مالوش مطال
والهموم اللي ف قلوبنا بقت جبال




مؤقتاً بس يا محمد بيه .. ولنا عودة :)

لسه جوانا احتمال
للاحتمال
لسه بنحب الحقيقه
لسه عاشقين الجمال
لسه يا دموعنا بنعرف
للامل سكه وطريق
لسه جوانا البريق
اللى بيه الضلمه ترحل
حتى لو كانت ساعاتنا
لسه فيها شويه ضيق
لسه فيه ايام كتير
فيها تبقى الفرحه اكتر
تكبر الاحلام وشمس الحب تظهر
والشعاع اللى ف عنيها
حقيقى يقدر
يملا كل قلوبنا تانى بالدفا
يفتح الابواب لغنوه
كات ف يوم متكتفه
القى حلمى صار حقيقه
ان زمن الحب يرجع والصفا


كل تقديرى لرائع ما خطه قلمك من مشاعر صادقه اتشرف بان يكون لقلمى المتواضع هذا الصدى

فى انتظار عودتك يا روبى
لكى تحياتى واحترامى
محمد

[محمد سعيد]

أخى العزيز/صفحات العمر


مامعنى أن يولد منا شاعر مامعنى أن يولد فينا فنان

مامعنى أن يحيا بالشعر وتغنى كلماته بكل لسان

أن يأتي إلينا ببسمة حرية ويحيا العمر بلا منفى أوطان

مامعنى أن يرسم بالحرف لوحات على وجه الدخان

وعيون تعشق هذه الكلمات وتدمع منها عيون الولهان

ويصير الشعر ترانيم وحداء ونسأل عنها فيروز الشطآن

ونقضي العمر بلا سقيا والكأس بيدنا لاتروي ظمآن

حين ولدت كنت أغني عربي أنا ... فصيح بيان

وحين كبرت لعنت اليوم الذي ملأ الدنيا بهذه القطعان

فلا أرض لدينا نسكنها إلا بقايا وطن يحرسه السجان

ولم يبقى رحم ينجب حراً وإن ولد فللقبر أو القضبان

خنساء العرب تحمل يومياً ولا تلد إلا بقايا رعديد وجبان

ويضاف إلى المرعى خروف وتضاعف سنوياً أعداد الخرفان

يا أم الخير فلا تلدي عبداً وإن جاء فدعيه طعاماً للغربان

ولاتبكي عليه ولا تذرفي دمعاً غردي فالموت لدينا بالمجان

فدموعك يامي ستصير دماً لو حاول أن يحيا كإنسان

فلماذا عذابك ياأمي بتربية وسهر الليل على الصبيان

فدعيهم فلاخير ستراه عيون والأعراب سبايا منذ زمان

فلماذا تلدين رقيقاً يا أمي ليربي بأحضان الأمريكان

هذه حالة أمتنا فلا تنتحبوا نختصر التاريخ بكنا وكان

ويخرجها يوسف في أفلام وينال عليها سعاف المهرجان

فلا خير في يد لا تحمل سيفاً ولا رأس سجد لغير الرحمن

ولك خالص تحياتى


السلام عليكم ورحمة الله وبركاته

مشاعر طيبه فاض بها قلمك اخى العزيز لوير

شعرت وكاننى اردد معك نفس اللحن رغم شجونه

اخذتنى واقعيته كما اخذتك حروف المعنى التى استمد منها قلمك مدادها


شعرت وكان قلبك يملى عليه وهو يكتب


حتى صاغ كل هذه الكلمات الراقيه

التى تعكس بوضوح صوره حيه لواقع مرئى ومسموع


اشكرك اخى الحبيب على كلماتك التى اضافت لهذه الصفحه الكثير

اخوك محمد

[رشا عبد الرازق]

سجون الصمت


رايح اكتب ايه!!!؟؟؟
رايح اكتب الكلمة اللى فيها النبض من قـلـب الحــيــــاة
مقدرش اشوف الدمع فى عيون البشر ولا اقولشى اااااه
ولاّ القلوب الصافيه مسروق حلمها والياس بالغ منتهاه
مقدرش اشوفك يا حبيبتى معيــطـه
ف عيون ولادك والحقيقه مشخبطه
براويز قزازوناس لُذاذ موميات حجات متحنطه
ما اقدرش اشوف... ما اقدرش اشوف
عرق الغلابة ع الجبين معجون بخوف

***









دمعي انكشف
من فوق خدودي وراح وقف
على جمب أخضر بين حقايق كلها أسود في أسود
كلها
ف سطور حزينة بتترجف
دورت فوق صدر الوجود على حضن دافي يضمني
ملقتش غير كلمة أسف
منك وزيك كل واحد حبني
سارح على كتفك وهن
خايف لا تبدأ خطوتك
لحسن يكون بردو النصيب ان اللي ناوي على الوصول لازمن يقف
وانا خايفه زيك بس راضيه بقسمتي
ان انت تبقا فرحتي
وان الفرج ميكونش من عند الجيران
ولا ايد غريبه تشدني
سر الطيابه عندنا موصوف من النيل للغيطان
انك تجيبو وتزرعووعنقوده يطلع مختلف
شايفاك عايزني طب تعالى
شيل التراب من هدمتي
فرحني بيك وبرجعتي
رطب ترابي اللي اشتكى من قسوة الطين والقشف
دي ايدك عفيه شد ضهرك
متقولش غالي عليه مهرك
لو غنوتي اتسجنت معاك في الصمت يبقا هديتي
انك تحرر صرختي
من صمتها
واللحن من وسط البكا يطلع وعندك يتعزف







هقولك هنا حاجه تانيه يا أستاذ محمد

عارف لما بقرالك مش بس بشوف المركبه وسط النيل جواها وش أسمر عاشق لتجعيدة زمن وبحر من الكبرياء والوجع

لا بجد

بحس بطراوة النيل بعد المغربيه ودفا الدخان اللي طالع من كوباية شاي

يمكن اللي بيدوقها حزين وموجوع بس

محدش غيره ينفع يكون

هوَّ


بجد

أنت موهبة شعريه رائعه ما شاء الله


دام قلمك

ودام تألقك


تحياتي

[محمد سعيد]

دمعي انكشف
من فوق خدودي وراح وقف
على جمب أخضر بين حقايق كلها أسود في أسود
كلها
ف سطور حزينة بتترجف
دورت فوق صدر الوجود على حضن دافي يضمني
ملقتش غير كلمة أسف
منك وزيك كل واحد حبني
سارح على كتفك وهن
خايف لا تبدأ خطوتك
لحسن يكون بردو النصيب ان اللي ناوي على الوصول لازمن يقف
وانا خايفه زيك بس راضيه بقسمتي
ان انت تبقا فرحتي
وان الفرج ميكونش من عند الجيران
ولا ايد غريبه تشدني
سر الطيابه عندنا موصوف من النيل للغيطان
انك تجيبو وتزرعووعنقوده يطلع مختلف
شايفاك عايزني طب تعالى
شيل التراب من هدمتي
فرحني بيك وبرجعتي
رطب ترابي اللي اشتكى من قسوة الطين والقشف
دي ايدك عفيه شد ضهرك
متقولش غالي عليه مهرك
لو غنوتي اتسجنت معاك في الصمت يبقا هديتي
انك تحرر صرختي
من صمتها
واللحن من وسط البكا يطلع وعندك يتعزف







هقولك هنا حاجه تانيه يا أستاذ محمد

عارف لما بقرالك مش بس بشوف المركبه وسط النيل جواها وش أسمر عاشق لتجعيدة زمن وبحر من الكبرياء والوجع

لا بجد

بحس بطراوة النيل بعد المغربيه ودفا الدخان اللي طالع من كوباية شاي

يمكن اللي بيدوقها حزين وموجوع بس

محدش غيره ينفع يكون

هوَّ


بجد

أنت موهبة شعريه رائعه ما شاء الله


دام قلمك

ودام تألقك


تحياتي



انا خوفى مش محتاج دليل
انا خوفى مش ضعف انما
دا صرخة القلب النبيل
ولا عمر كتفى يا حبيبتى بيشتكى
رغم الحمول
زيك بيرضى بالقليل
وقتن تحسى بالعطش
تلاقيه عفى
شايلك معاه للسلسبيل
واخدك على زمن الحقيقه والامل
ومخطى بيكى للسعاده الـف ميل
اوعك تقولى مستحيل
تفتكرى لو مات الامل
هل يبقى شىء ف الكون جميل
يا ريت صحيح اقدر اكون
فرحه بتمسح من جبينك
اى حزن او شجون
او اكون ف لحظة برد
حضنك الحنون
ضلايا لو شمس الزمن
حدفت شعاعها ع العيون
او همسه تسعد مهجتك
ونا وانتى قاعدين والسكون
فرحان سعيد من همسنا
بيقولنا
مدواالكفوف البردانين
انتى وانا
زى شراقى الارض فعلا عطشانين
والفرح جى لحدنا
واحنا بقى
اللى هنعزم الجيران
وآدى كفوفى ممدودين
سر الطيابه ف حيكم بيشدنى
طبطب على سدرى
ومد ايديه ف لحظه وضمنى
حسيت بانى ف الحقيقه مش غريب
حسيت بان زرعتى
راح تطرح الطرح اللى بيه الجرح فى لحظه يطيب
سامعك ف وسط اللمه بتقولى تعالى
شايف عنيكى المكسوفين
بتبصلى ياااااااااه
دول مليانبن قواله
وف لحظه تنزل طرحتك
على وشك الطيب عشان
يذداد جمال على جماله
يمكن صحيح التوب عليه حبة غبار
لكن طهارته وعفته
واضحه كما شمس النهار
وهمد ايدى متخافيش
لجلن اجيبلك توب ما جابوش شهريار
علشان اشوف الفرحه على وشك قمر
ولا اشوفش شكوى منها قلبك يرتجف
يمكن يكون اللحن على دمه انكسف
وخلاص نوى انه يا ناس راح يتعزف










انا بقى اللى هقولك يا رشا


نفسى اعرف من اين لك بهذا الفهم وهذ التصور وهذه الرؤيه العميقه


انتى بجد مش معقوله


طراوة النيل الله الله يا اميره معنى ولا اروع من كده حاجه تانى


ودفا الدخان اللى طالع من كوباية الشاى اشعر بالغبطه الشديده ممن يتناول هذا الشاى


كما يمتعنى قلمك فى الشعر


يدهشنى اكثر بردوده الرائعه


اراكى اديبه بحق تمتلك كل المقومات



اراكى بحق




اميره تاجها الكلمات

[رشا عبد الرازق]

انا خوفى مش محتاج دليل
انا خوفى مش ضعف انما
دا صرخة القلب النبيل
ولا عمر كتفى يا حبيبتى بيشتكى
رغم الحمول
زيك بيرضى بالقليل
وقتن تحسى بالعطش
تلاقيه عفى
شايلك معاه للسلسبيل
واخدك على زمن الحقيقه والامل
ومخطى بيكى للسعاده الـف ميل
اوعك تقولى مستحيل
تفتكرى لو مات الامل
هل يبقى شىء ف الكون جميل
يا ريت صحيح اقدر اكون
فرحه بتمسح من جبينك
اى حزن او شجون
او اكون ف لحظة برد
حضنك الحنون
ضلايا لو شمس الزمن
حدفت شعاعها ع العيون
او همسه تسعد مهجتك
ونا وانتى قاعدين والسكون
فرحان سعيد من همسنا
بيقولنا
مدواالكفوف البردانين
انتى وانا
زى شراقى الارض فعلا عطشانين
والفرح جى لحدنا
واحنا بقى
اللى هنعزم الجيران
وآدى كفوفى ممدودين
سر الطيابه ف حيكم بيشدنى
طبطب على سدرى
ومد ايديه ف لحظه وضمنى
حسيت بانى ف الحقيقه مش غريب
حسيت بان زرعتى
راح تطرح الطرح اللى بيه الجرح فى لحظه يطيب
سامعك ف وسط اللمه بتقولى تعالى
شايف عنيكى المكسوفين
بتبصلى ياااااااااه
دول مليانبن قواله
وف لحظه تنزل طرحتك
على وشك الطيب عشان
يذداد جمال على جماله
يمكن صحيح التوب عليه حبة غبار
لكن طهارته وعفته
واضحه كما شمس النهار
وهمد ايدى متخافيش
لجلن اجيبلك توب ما جابوش شهريار
علشان اشوف الفرحه على وشك قمر
ولا اشوفش شكوى منها قلبك يرتجف
يمكن يكون اللحن على دمه انكسف
وخلاص نوى انه يا ناس راح يتعزف






[/color]



الله

الله

الله

عارف بقا بجد بجد


انا اللي عايزه كوباية الشاي

يا سيدي على النغم الأصيل

متمدحش يا أستاذ محمد

نحن في عالمك أنت الآن يا سيدي

ويا له من عالم !!!!!!

بس بجد بقا

ان شاء الله

كوباية شاي واجي بالرد لان لازم يكون للكلام الرائع ده رد

تبارك الذي انعم عليك من فيض كرمه بهذه الموهبة

تحياتي أخي المميز وشكرا على اطراء أحببت الفرار منه صدقني فلا املك له ردا


امتناني العميق

ولنا عودة

[هبة الله]

بسم الله الرحمن الرحيم
صفحات العمر
الأخ العزيز
انه لشرف لى ان اطلع اول مره على ابداعك وكلماتك النابضه بالأحساس و تقطر مراره كما نحن جميعا
شكرا لك لأمتاعك لنا و شكرا لوجودك بيننا
تحياتى

[محمد سعيد]

بسم الله الرحمن الرحيم
صفحات العمر
الأخ العزيز
انه لشرف لى ان اطلع اول مره على ابداعك وكلماتك النابضه بالأحساس و تقطر مراره كما نحن جميعا
شكرا لك لأمتاعك لنا و شكرا لوجودك بيننا
تحياتى


السلام عليكم ورحمة الله وبركاته

مرحبا بك اختى الكريمه هبة الله

وهذه الاطلاله العاطره على صفحاتى التى سعدت بها جدا

واقدم لك كل الشكر على كلماتك الرقيقه فانا يسعدنى ويشرفنى وجودى معكم

واتمنى دائما ان اكون عند ظنكم بى

لك منى كل التقدير والاحترام


محمد