بيَه بخمسه جنيه

[العنتيل]

بيَه بخمسه جنيه

هو: حمد لله على السلامة يابيَه:D

العبد لله: الله يسلمك:)

هو: بقولك حمد لله على السلامة يابيَه:mad:

العبد لله: وأنا بقولك الله يسلمك:confused:

هو: طب اهرش:11bomb:

العبد لله: مليش مزاج اهرش:11air:

هو: أنت ح تستعبط أيدك على اللحلوح:icon_twis

العبد لله: لحلوح إيه يااستاذ:o

هو: المعلوم – البيزات- الاصتباحة – الجنيه يا فندى أنت مش عايش معانا ولا إيه:11bb:

العبد لله: آآآآآآه.......... الرشوة:egg:

هو: الأوراق دي ناقصة يااستاذ

العبد لله: طيب إيه المطلوب

هو: تفتح مخك

العبد لله: افتحه ولا اغمقه

هو: عشان الورق ده يخلص مطلوب بريزة كبيرة

العبد لله: آآآآآه ......... الرشوة :egg:

وتستمر الرشوة من..........................

:egg:

:egg::egg:

:egg::egg::egg:

:egg::egg:

:egg:
المطار البوابة الأولى... رشوة حتى الخروج إلى موقف السيارات

عسكري المرور ... رشوة حتى تصل إلى بيتك

استخراج اى أوراق رسميه أو غير رسمية .... رشوة :egg:

تسجيل المواليد.... رشوة من لحظة الميلاد

شهادة الوفاة.... رشوة حتى الممات

انتشار الرشوة بصور مفزعة في مجتمعنا...

آفة خطيرة هل يمكن علاجها؟؟

لا للرشوة

[العنتيل]

http://www.alazhr.org/Ftawa/Default.asp?Lang=a&ViewNo=&Action=View&Doc=Doc1&n=4759&StartFrom=4699&Total=338

وللحديث بقية .......

[te3mah]

والله يا عنتيل أنا خايفة بعد كده ياخدوا رشوة على النفس اللي بنتنفسه ولا على الميه اللي بنشربها
حسبي الله ونعم الوكيل

تسلم الأيادي يا باشا :)

[العنتيل]

والله يا عنتيل أنا خايفة بعد كده ياخدوا رشوة على النفس اللي بنتنفسه ولا على الميه اللي بنشربها
حسبي الله ونعم الوكيل

تسلم الأيادي يا باشا :)

النفس معلهوش رشوة

لكن النفس يختلف من مكان لاخر

نفس صناعى فى مستشفى استثمارى 1200 جنيه

نفس صناعى فى مستشفى حكومى 120 جنيه

طبعا الفرق ان النفس الاول فيه اكسجين


والتانى


































ثانى اكسيد الكربون:soccer_h4

[آيـــــة]

ما فيش علاج للرشوة غير ان الحكومة تدفع مرتبات ومعاشات للمواطنين تكفل لهم العيش الكريم

طول ما المرتب بيطير من اول يوم في الشهر لازم يكون فيه رشوة

لانه مافيش غير 4 حلول لهذه المشكلة

1- اما ان المواطن يبحث له عن عمل اضافي يساعده او يقوم بمشروع خاص علشان يعيش عيشة محترمة

2- واما ان المواطن يدور له على جامع يشحت جنبه و الشحات له نص البلد

3- واما انه يسرق

4- او يرتشي و الرشوة تعتبر سرقة مقنعة

أكيد الحل الاول أفضل الحلول ولكن فين هو العمل الاضافي مش دايما متوفر

ولا العمل متوفر ولا راس المال يستطيع البعض ان يوفره علشان يبدأ مشروعه

علشان كدا الموظف المصري البسيط بيتصرف من جيب غيره كلما سمحت له الظروف

راتب الموظف ممكن انه لا يزيد عن 200 جنيه و مصروفه لا يقل عن ألف جنيه

طيب المعادلة دي ممكن تتحل ازاى منغير رشوة ؟!!!

هاتولنا أكبر علماء الاقتصاد علشان يحلوها

انا طبعا مش بشجع الرشوة لكن بوضح سبب تفشي الرشوة في المجتمع المصري

فاذا عرف السبب بطل العجب

تحياتي لموضوعك يا عنتيل


http://www.al-wed.com/pic-vb/1003.gif

[العنتيل]

علشان كدا الموظف المصري البسيط بيتصرف من جيب غيره كلما سمحت له الظروف

حلو اووووووووووى المصطلح ده يا اية :smiley_50

تفتكرى ممكن يكون فيه بركة فى هذا القرش الحرام...

ممكن الواحد ياكل اولاده من حرام....

وجاء فى تفسير القرطبى"ج 6 ص 183 "عن عمر رضى اللَّه عنه قوله : رشوة الحاكم سحت ، وعن النبى صلى الله عليه وسلم " كل لحم نبت بالسحت فالنار أولى به " قالوا : يا رسول اللَّه وما السحت ؟ قال " الرشوة فى الحكم "(رواه ابن جرير عن عمر كما فى الجامع الكبير للسيوطى ولم يحكم عليه )

مقتبس من الفتوى فى الصفحة السابقة

اشكرك على ردك وعطفك على الموظف المسكين :smiley_81

[الشيماء]

الرابع : ما يقصد به المحبة وجَلبها من قبل المهدى إليه لا لغرض معين ، بل لتأكيد الصحبة وتودد القلوب ، فهذا مندوب إليه عقلا وشرعا ، لحديث " تهادوا تحابوا " رواه البخارى فى الأدب المفرد ، والبيهقى ، قال الحافظ : إسناده حسن وضعفه ابن عدى كما قاله العراقى وحتى لو كانت المحبة لا تطلب لذات المحبة بل لما وراءها فان ما وراءها غير معلوم ، فتسمى هدية ويحل أخذها
اهو الكل هيتكى على دي ياعنتيييل ياجامد....
ناس بتحب فبعض بقى ...
اظن هنقعد لهم احنا بقى ويبقى تصنيفنا تحت بند عوازل ياداااامد...
شوف بقى انت اما خليت ثغرة في الفتوى يبقى خلااااااااااااااص ....
انتهيينا ياباشا
دي محبة يابا حد يقدر يدخل في نواياهم ويقولك مش محبة....
تخيل كده
تيجي ادارة الاموال العامة تقبض على حد بتهمة الرشوة ...يرد عليهم
- مانا عملت برابعا ياجمااااعة
بس خمسة جنيه دا ايه؟؟؟
يادي العجب ...رخص الدهب
وغلي البتاع ياناس ياناس

[صرخة روحهِ]

الجنيه يا فندى أنت مش عايش معانا ولا إيه
ماكنت بيه من شويه يعني المنحوس الجنيه رجعك أفندي !
المهم عايز أقول إيه سامح وإنت بتأب بالمعلوم لو كان شاكله مستحق ومكانيتشي فرده !
معايا ولامش معايا
والله فيه موظفين شكلهم يستحق الصدقه !
وفيه اللي مستحقين قطع إيدهم وكمان رجليهم علشان مايمشوش لمكان تصيل الجبايه !
معايا ولامش معايا

[العنتيل]

ناس بتحب فبعض بقى ...
اظن هنقعد لهم احنا بقى ويبقى تصنيفنا تحت بند عوازل ياداااامد...


:11age5::11age5::11age5::11age5:


ده بالوضع ده يادكتورتنا


البلد بتموووووووووووووووووووووت فى بعضها


ياعم خد ..... ده النبى قبل الهدية

:خد الحاجة البسيطة دى للولاد:

دى ايه دى ياعم بنبونى

:لا دى خمسمية جنيه علشان تيجيب للعيال كورن فيلكس

[آيـــــة]

اشكرك على ردك وعطفك على الموظف المسكين

دا مش عطف يا عنتيل دا تقرير واقع

http://www.panmai.com/FlowerClipArt/Line_Bar/2lvbrdr01.gif

[العنتيل]

وفيه اللي مستحقين قطع إيدهم وكمان رجليهم علشان مايمشوش لمكان تصيل الجبايه !
معايا ولامش معايا

معاك ياصرخة

بس ايدك على الاوبيـــــــــــــــــــج

وبعدين انا بقيت افندى علشان مهرشتش...

عارف لو هرشت

كان خلانى الملك فاروق

[نيرفانا]

موضوع الرشوة بقى عرف دلوقتى فى المجتمع
بقى عادى ولا بلفت النظر

مش ده شئ مؤسف؟؟

[هالة]

اخى الكريم

انت اثرت موضوع في غاية الاهمية

وفعلا زى مقلت آفة كبيرة انتشرت

حسبنا الله ونعم الوكيل

[هـــــدى]

السلام عليكم
معاكم أنها آفة ومنتشرة بشكل كبير
بس برضة لسة فى ناس بتخاف الله
لسة فى ناس بتتقى الله فى نفسها وأولادها
فى ناس عايشة بال 200 جنية فى الشهر
وربنا بيبارك لها
عارفين ليه ..... لأنها تتقى الله
فيبارك الله فى رزقهابلاش تعمموا كدة لسة الدنيا برضة بخير

[محمد دياب]

أخ العنتيل

في مثل سائر دلوقتي بيقول

" إبرز تنجز " يعني ابرز الفلوس
أو الاوبيج تنجز كل مصالحك
علي طول

" حسبنا الله ونعم الوكيل "

مش عارفين هيعملوا فينا
أية بعد كده تاني

صدقوني قلة المرتب مش مبرر
لأخذ الرشوة أبدا

ده اصبح مرض عضال
واتفشي بسرعة
رهيبة