ايه اكتر موقف مضحك فى حياتك

[خـالـد]

فى حياتنا بتمر علينا مواقف كتير ..

مواقف صعبة .. و مواقف مضحكة

و احنا باه فى الموضوع ده عاوزين نعرف .. ايه اكتر موقف مضحك فى حياتك .. كل ما تفتكره تقعد تضحك .. سواء كان ليك او لحد تعرفه

و اضحك و ضحكنا معاك



فى انتظار مواقفكم الحلوة ..



poet

[آيـــــة]

حلوة فكرة الموضوع يا بويت

ياللا انا حفتتحه مادام ماحدش عاوز يتكلم

شوف يا سيدى فيه موقف مش ممكن أنساه أبدا حصل لي من مدة طويلة ....

وقتها ماكانش يضحك أبدا بس دلوقتي كل ما افتكره أضحك...

كانت مكافأة والدي لي على نجاحي في الثانوية العامة رحلة للولايات المتحدة للدراسة الصيفية ...سافرت مع أخى و مجموعة من أصدقاءنا و كانت اقامتنا في سكن الجامعة اللي حندرس فيها اللغة الانجليزية للتقوية....كان المفروض أقيم أنا و صديقتي في غرفة واحدة ولكن لظروف حدثت لها اضطرت للتأخر عن الرحلة يومين ....المهم أول وصولي للجامعة سلمولي مفتاح غرفتي انا وصديقتي ...روحت الغرفة اللي رقمها عندي في المفتاح ...وجدت شاب نايم في احد السراير طبعا اتخضيت وقلت في نفسى أكيد انا غلطت في الاودة واعتذرت له ...و روحت اتأكد من رقم الغرفة الموجود عالباب ورقم المفتاح اللي معايا لقيت نفسي مش غلطانة ولا حاجة ...رجعت قولتله : ( دي مش الرووم بتاعتك ) ...قالي : ( لا دي بتاعتي ) ... قلتله : ( ازاى اذا دي كانت أودتي انا ؟)...قاللي : ( وايه المشكلة ؟ ) انا بصراحة افتكرته بيستعبط او غلطان ومش عاوز يعترف . قلت في نفسى الكلام ..مالوش فايدة معاه خصوصا ان انا وهو كنا بنلطش في الانجليزى لانه الماني وجاى برضو يتعلم انجليزى ....روحت دوغير على مسؤولة السكن وقلتلها اني ....لقيت شاب نايم في غرفتي و المفروض صديقتي هي اللي تنام معايا....أكيد هو غلطان ...جت معايا الاودة و اتأكدت ان رقمه صح واتأسفتلي و قالتلي : ( يظهر حصلت لخبطة احنا المسؤولين....عنها ... دلوقتي ما فيش غرف زيادة لما توصل صاحبتك حنقدر نحل المشكلة ...نامي دلوقتي معاه وبكرى نحلها ) انام معاه ؟!! ... يا لهوي !!حضرتها جابت التايهة ... سألته المسؤولة : ( انت عندك مانع تقيم معاها في غرفة واحدة ) قالها : ( لأ ) قلت لها : ( بس انا عندى مانع ) فطبعا هي ولا هو فاهمين ابدا المانع كل فكرهم ان انا مش معجبة بيه .... طبعا ما عرفتش اتفاهم معاهم هما الاتنين ومش عارفة أشرحلهم ازاى لانهم مش بيفهموا.... وحضرته بدا ياخد الموضوع موضوع كرامة و ازاى بنت ترفض تقعد معاه . قلت ما فيش غير مسؤولة الرحلة هي اللي حتحل المشكلة ... روحتلها جري قالت لها : (تعالى حلي المشكلة دي ) كانت مصرية واول ما سمعت القصة ماتت من الضحك وجت معايا الغرفة مرة تانية واتفاهمت مع مسؤولة الغرف قعدت تشرح لها اننا مسلمين و الحكاية دي ما تنفعش و لازم يتصرفوا بأى طريقة ...اخيرا المسؤولة فهمت وهي مستعجبة جدا ...اما الشاب فما فهمش حاجة او ما كانش قادر يفهم .... أخد حاجته وهو بيبص لي شذراْ ونفسه يموتني . بس بعد مدة اختلط بمجموعة المسلمين بتاعتنا وبدأ يفهم الاسلام شوية شوية و بدأ يحب الاسلام والمسلمين و بقينا أصحاب ...حتى في رمضان حاول يصوم زينا لكن ما قدرش يكمل لاكتر من الساعة الثالثة ظهرا .

أعتقد اننا كمجموعة مسلمة قدرنا نقدم عن الاسلام فكرة جيدة جدا لغير المسلمين بس حكاية عدم وجود صداقة بين شاب وفتاة دي ما كانوش قادرين يستوعبوها أبدا ومستغربين منها جدا .

طبعا الموقف دا بقى ذكرى مضحكة بالنسبة لي كل ما افتكره .


ياللا الدور عليكم

http://www.al-wed.com/pic-vb/315.gif

[سجود]

كنت انا وصحباتي في المدرسه كنا بنشتري ساندويش واشترينا والبائع اعطاني الساندويش وقال ليا تفضلي انا عارفين شو قلت له الله يبارك فيك
هههههههههههههههههههههههههههههههه :smiley_50:smiley_50:smiley_50:smiley_50

[زهرة مصر]

موضوع ظريف يابويت ودمه خفيف ..
اخر حاجة مضحكة محرجة اكثر من اى حاجة فى الدنيا الحادثة دى..
انتم عارفين انى لسة فريش فى السواقة ومش بعرف الطرق لسة وبمنتهى البساطة كنت رايحة البنك وقاعدة فى الاشارة وفتحت الاشارة واخدت طريقى بمنتهى البساطة عشان القى نفسى الناس كلها مشيت شمال وانا الوحيدة اللى ماشية عالطول والطريق اتجاه واحد والعالم بتتفرج على بتعمل ايه دى وربنا ستر ماكنش فى شرطى ولا كنت اتخبطت مخالفة بس كان منظرى فى منتهى الاحراج




:26[1]:

[hacking4all]

بجد الموضوع رائع جدا
انا كنت دخلت الموضوع ده مره من زمان وعجبتني فكرته
والمواقف المضحكه كتير بتعدي علي الانسان ولكنها بتكون وليده اللحظه ولو اتحكت مش بيكون فيها نفس الابتسامه لما حصلت معاك لختلاف الظروف الشخصيه واختلاف رق الاحراج
بس من يومين حصل موقف فعلا ضحكني قوي قوي
صديق عزيز جدا عليا بل اكتر من اخ كانت المفروض تكون دخلته في العيد اللي فات وقعد يأجل عشان خاطر مهندس الديكور كان عنده ظروف وجوابات ومش عارف ايه المهم اتخنق منه وجاب واحد تاني انعل منه الفرح كان اتحجز واتحدد علي يوم الاربع اللي فات ودعاوي الفرح اتوزعت خلاص ولحد يوم الحنه اللي هي ليلة الفرح مكنش لسه الباشمهندس خلص شغل وبيتحجج ان العمال اللي معاه مبيجوش وانه بيشتغل بأيده واسنانه لوحده وان شاء الله يخلص علي يوم الفرح او بعد الفرح بيوم
وطبعا كلنا اتخنقنا من الموضوع ده وقولناله انت مش بتتكلم علي العمال احنا اللي يعرف فينا حاجه هيسعدك وفعلا البنات جات معانا علي اساس اللمسه الخيره اللي بيقولوا عليه الزوق الرفيع ده عند الستات (والله مهم فهمين حاجه اللي قالوا الكلمه دي) المهم احنا بقينا نركب معاه الستاير والمرايات زي ما يقولنا والبنات تحط التحف والانتيكات والدباديب والحاجات الغريبه دي وطبعا كل اللي كان معانا في الشقه كان ملخوم بالشغل فيها وكل فين وفين لما حد منا يطلع بره يقعد في الحفله بتاعت الحنه المعموله
المهم خلصنا بالظبط الساعه تلاته ونص وكنا قبل الفجر فقولت للعربي يلا بينا بقي تعالي بات معايا عشان الدوشه اللي في البيت عندك وسيبهم هما يكملوا فاضل بس البنات تكنس وخلاص مرضاش برده زي ما يكون قلبه حاسس واستنينا البنات خلصت والحفله خلصت والدي جي لم حاجته ومشي لقينا اخوه الصغير محمد بيستأذن منه لو سمحت يا عربي انا زمايلي جايلي من القاهره والاسماعليه واسكندريه ومش معقول هقولهم يمشوا وهما عايزين يسهروا شويه لحد الفجر ممكن بس اشغل السب علي الكمبيوتر بصوت علي قدنا لحد ما يجي ادان الفجر ونروح كلنا
فالعربي وافق واخد منه وصلة الكهربا بعد ما كنا قفلنا الشقه واتفقنا محدش هيدخلها لحد العريس ما يدخل هو وعروسته بقي تاني يوم قصدي نفس اليوم احنا كنا قبل الفجر بحاجه بسيطه
المهم طلع العربي المفتاح عشان يوصل البور ويحط المفتاح في الباب انه يفتح ابدا يمين شمال يا عم افتح ابدا
نرفزه عارمه تجتاحنا جميعا
والغضب بقي علي وشوش الكل
والاحراج واضح علي العربي بالاضافه للتوتر والموقف البايخ اللي اتحطينا فيه
فجئه لقينا العربي قعد علي السلم وقعد يضحك واتفتح في الضحك
في ايه يا عمنا العربي
يقولي تخيل كده يا حبيب لو محمد مخلنيش ارجع افتح الباب دلوقتي وكنت جيت انا والمدام بكره كان هيبقي منظري ايه
وا كنا هنقضي الليله فين؟
علي السلم ولا لسه ندورلنا علي حجز فندق ولا كنت اروح لولدي اخبط عليه وهو ما صدق انه خلص مني ؟
واتفتحنا كلنا في الضحك
ومن كتر الضحك لينا صديق اسمه وائل بس بسم الله ما شاء الله يعمل مني وانا والعربي 5 جمب بعض و3 تلاته فوق بعض
حاجه كده مقولكمش
المهم وهو كمان بيضحك وهيموت علي نفسه من الضحك وهو بيتخيل منظر العربي وهو قاعد علي السلم يوم الدخله
هو وعروسته وبيسند علي الباب لانه كان هيقع من كتر الضحك
نلاقي الباب عمل تكه غريبه وحتة رخامه تتحدف في رجل وائل
اتريها كانت زنقه باب الشقه من تحت ورفعاه لفوق لدرجة ان اللسان بتاع طبلة الباب مش قادر يفتح بسبب الزنقه دي
والحمد لله اتحلت المشكله وطول محنا في الفرح كل واحد يطلع يرقص مع العربي او يسلم عليه ويتصور معاه يقوله خد بالك من الرخامه
واللي يضحك اكتر في الموضوع ان العروسه كل ما تسمع الكلمه دي والعربي مش عايز يقولها الموضوع لان المكان مش مناسب ولا الوقت تزعل وتتضايق قوي وتفتكر ان الموضوع عليها
ولحد النهارده كل واحد يروح يصبح العريس برضوا يفكره بالموضوع ده اللي عمرنا ما هننساه ابدا
يا رب يكون الموضوع ده عجبكم ورسم علي شفاهكم البسمه زي ما موتنا من الضحك خلال الاسبوع اللي فات كله ولسه هيستمر معانا الله اعلم لحد امتي؟
تقبلوا تحيات اخ لكم في الله
واخ لعريس كاد ان يقضي ليلة عرسه علي سلالم العماره

[خـالـد]

مواقف لطيفة فعلا ..

كويس يا ايه انك عرفتى تتصرفى و ماستسلمتيش للامر الواقع لمجرد انك فى بلد غريبة و كده .. حاكم فى ناس غيرك كانوا ممكن يقولوا عادى و خليك فريش احنا فى رحلة ! :1a (62):

و يا زهرة مصر تبقى اظبطى الاتجاهات .. و ربنا ستر :1 (176):

اما صاحبك ده يا عم هاكينج فربنا سترها معاه لانه كان هيتفضح فضيحة المطاهر و الطلوع على المعاش على راى فؤاد المهندس .. المهم ان ربنا تمم بخير :1 (181):


فين بقية المواقف يا جماعة ..

يلا يا اخوانا صحصحوا معانا كده

[زهرة مصر]

امبارح بنتى عاوزة تستعمل التليفون وكانت واقفة جنب منى وانا بحاول انزل شوية العاب لابنى من على النت وعمالة تقولى ادخلى الموقع ده لأ ده .. ده ديمو انتى عايزة مش عارفة ايه .. وبعدين افتكرت تسأل على واحدة صاحبتها وترفع السماعة ماتلاقيش خط تقول بعصبية التليفون ده خرب من قطتكم نازلة تنطيط وتوقيع فى الحاجة وانا باصة لها وساكتة وتشيل التليفون وتتأكد من الاسلاك مضبوطة وتبص فى الحيطة وتتأكد من ان السلك موصول لغاية مااتفجرت فى الضحك وسألتنى هى فيه ايه ياماما بتضحكى ليه ؟؟؟ ولا حاجة ياماما بس انا بشتغل على النت والسلك اللى انتى بتتأكدى منه ده سلك النت مش التليفون:1 (162):

[خـالـد]

موقف لطيف يا زهرة مصر .. صحيح العلم نور ..

طب ده بأه الموقف بتاعى

لما كنت فى المدرسة .. كنت بانزل الصبح مش شايف ادامى .. و كنت باروح المدرسة مشى لانها قريبة نسبيا من منزلنا .. المهم دخلت متأخر و كان اللى بيخش المدرسة متأخر بيوقفوا حصة كاملة فى الشمس فى حوش المدرسة .. المهم و قفوا كل المتأخرين طابور و انا منهم و منعوهم من طلوع الفصول .. فجأه خرج من وسط الطابور واحد جرى بسرعة من وسط المدرسين قام الباقيين جريوا معاه و لقيت نفسى بجرى معاهم و المدرسين عمالين يجروا ورانا علشان يمسكونا بس احنا كنا كتير .. بعد كده دخلت المبنى اللى فيه فصلى و انا برضه لسه مش فايق و عمال اضحك و انا مغمض عنيا و مش قادر افتحها من كتر الضحك على اللى حصل و من كتر النعاس و فى نفس الوقت كنت قلقان جدا لحد من المدرسين يمسكنى .. فتحت الباب ودخلت الفصل و قعدت لقيت المدرس و كل الطلاب بيبصولى باستغراب .. فبصيت حوليا لقيت نفسى مش فى الفصل بتاعى .. فلقيت المدرس بيسألنى انا مين و جيت منين و لسوء الحظ ان الفصل ده كان من الفصول اللى على طول بيتخانقوا مع الفصل بتاعى .. لقيتهم بأه ابتدوا يقربوا منى و يتلموا حوليا و المدرس عمال يزعق و انا مش عارف اعمل ايه .. انا نعسان .. المهم الحمد لله المدرس انقذنى و جريت على فصلى بسرعه .. بس لما تاكدت انه فصلى فعلا
http://www.asmilies.com/smiliespic/psmilie/003.gif

[خـالـد]

يلا يا جماعة .. فين مواقفكم

[سـلـوى]

موضوع جميييييييل

تسجيل دخول
و لى عودة
ان شاء الله

[برغوته]

موضوع جميل ولى عودة معاة